عرض مشاركة واحدة
 الصورة الرمزية Rabe7
Rabe7
Directeur
المشاركات: 3,319
تاريخ التسجيل: Jul 2010
الدولة: KSA
Rabe7 غير متواجد حالياً  
قديم 2011-06-04, 09:16 PM
 
رد: تحملوا أسئلتي الجريئة

هلا وسهلا أخوي .. وحياك الله معنا .. واتمنى لك رحله سعيده ..

اقتباس:
1- ابي سيارة بسائق ، توصلني من المطار إلى مراكش فقط . يعني مجرد توصيلنا ونحاسبه ويمشي . ودي بسيارة مريحة وواسعة وموديل حديث ماتقعد تطرطر علينا وتدوخ روسنا . هل تقدم هالخدمة من مكاتب التأجير في المطار وكم اسعارهم . وإذا فيه احد يعرف سايق خاص معه سيارة توصل هالمشوار من خارج المطار ياليت يزودني برقمه ، بس يكون شقردي وحبوب ونفسه خفيفة .
نعم موجوده هالخدمه بمكاتب التأجير بالمطار .. وعندهم السيارات الي تبي .. الأسعار تبدا من 400 درهم إلى 2500 درهم .. وأنت وطلبك .. أما بالنسبه للسواق بيجونك الاخوان إذا يعرفون أحد ويخدمونك .. وفيه خيار ثالث قدامكم الي هو القطار ..

اقتباس:
2- أثناء المشوار تعرفون الواحد وده يطقطق بالسوالف مع خويه والسوالف تحلى أكثر إذا صار فيه قهوة المطار ؟ ؟
مر أقرب أسيما وراح تحصل الي تبي .. السواق الي تركب معه قله أبي أسيما أو قله أبي المرجان .. وبالنسبه لنقاط التفتيش .. عاد لا تفلونها بالحيل طقطقوا على خفيف .. ودامكم ماتسوقون إن شاء الله ماعليكم خوف ..

اقتباس:
3- ابي اطلع شريحة اركبها على الايفون . مادري اذا في المطار شرائح صغيرة . أو يقصونها نفس الشركة . وايش الشركة الأنسب للمكالمات وباقة النت ؟

4- كذلك احتاج إلى كونكت للانترنت عشان اللابتوب لزوم تحميل الاغاني او اي شي أثناء السفر . هل احصلها في المطار و أي شركة الاحسن ؟: (453):
والله مبطي عن ذيك الديار .. وأكيد الشركات تطورت .. واتوقع 90% تحصل شرائح ميكرو بالمطار .. لكن انتظر التأكيد من الاعضاء ..

اقتباس:
5- هل فيه مطاعم على طريق كازا – مراكش ؟ ومحطات تموين وكذا وخدمات ؟ وايش الاحسن في هالمطاعم ؟
فيه محطات وقود وفيه استراحات صغيره توفي بالغرض ..

اقتباس:
8- ماهو المبلغ المتوقع صرفه خلال هذه المدة إذا كنا فالينها عالاخر وماقصرنا على انفسنا بشي .
يعني تبي الحد الأعلى .. احسب حسابك كل واحد 2500 ريال باليوم .. هذا الحد الأعلى .. أما إذا تبي المعقول فهو من 1700 إلى 2000 ريال باليوم للواحد ..

اقتباس:
9- هل احتاج اخذ معي رز للكبسة السعودية ( خبركم السعوديين وادمانهم للكبسات ) والا متوفر هناك رز مثل اللي عندنا ؟ ومن وين نشتريه ؟ ومن وين نقدر ناخذ لنا هريفي هناك ؟
خيشة رز بسمتي 10 كيلو .. أهم من شناطكم .. :D

اقتباس:
10- ايش يعني ( دابا ) ؟؟
يعني الآن ..

اقتباس:
11- بالنسبة للتدخين اثناء الرحلة .. اعرف ان الخطوط السعودية تمنع التدخين ، لكن هل فيه أحياناً مراعاة لظروف الخرمانين زي مثلاً ياخذونه لمكان صاد ويخلونه يموذع الزقارة شوي ؟
انسى ياحبيبي انسى .. :D

اقتباس:
12- انا وخويي من نوع اللي نحب التكية والوناسة المنزلية وأهل طبخ ونفخ مانحب دوشة المراقص والدسكوهات بس مايمنع نسهر ليلة في دسكو أو ملهى ليلي ... بناء على هالشي .. هل تنصحون نخلي الايام الأكثر في مراكش والا الرباط ؟
والله احترت مع هالسؤال .. لكن الرباط أرجح ..

اقتباس:
13- كيف احصل طباخة وخادمة ( في مراكش والرباط ) تكون نظيفة وشقردية وتعرف تطبخ الطبخ السعودي ونفسها خفيفة وأمينة ؟ وإذا حصل ثنتين يكون احسن عشان وحده بالنهار والثانية بالليل

ماعليك كل شقه أو فيلا فيه خدامات .. وبالنسبه للطبخ الشهاده لله عليهم نفس أليييييم .. يعني انسى الموضوع هذا وحط ببطنك بطيخه صيفي ..

------

بالنسبه للسؤالين الي حذفتهم .. ممنوع مثل هالاستفسارات يالغالي .. :)
__________________
نلتقي .. لنرتقي ..





التعديل الأخير تم بواسطة saadora ; 2011-06-05 الساعة 12:08 AM