اخي الغالي تياترو جزاك الله خير على النصيحة واذا تسمح لي عندي اضافة بسيطة
الاخ هذا واضح انه انسان طيب وعلى نياته ولا عرف يتصرف مع البلطجية اللي اخذوا جوازه وفلوسه ، المفروض فوراً اتصل بالسفارة واذا كان سعودي السفارة السعودية موقعها في الرباط لو رفع سماعة الجوال وكلمهم وقال القصة كاملة واعطاهم عنوانه وقفل الخط راح يتم الاتصال بالمسئول الاول عن الامن في مكان حدوث المشكلة وراح يقبض عليهم وتسلم جوازاتهم للسفارة وراح ترجع الفلوس والجواز لصاحبها وهم يحجزون لهم على اول رحلة للسعودية ومن المطار يقبض عليهم ومنع سفرهم ومحاسبتهم ، من الغلط يا اخوان ابلاغ الشرطة عند حدوث اي مشكلة لك ، اي مشكلة تحدث لك اتصل بالسفارة وهم يخاطبون الجهات المختصة وراح ينتهي الموضوع .
يوجد رجال فيهم خير ممكن تتعرف عليه في الخارج وتكون صداقة ويكون من افضل اصحابك ولكن يوجد فئة قليلة من هالنوعيات نصابين او حرامية الله يكفينا شرهم ، ولكن المسافر لازم ينتبه ويكون حريص ونقطة مهمة جداً جداً جداً اذا حزمت حقائبك للعودة لازم تفتش جميع الاغراض وبالذات الملابس لان كثير وضع لهم مخدرات في جيوب الملابس بداخل الشنطة ولما وصل المطار قبض عليه في الجمارك والمسكين ما يعلم عنها وراح غلطة .
والاخوة اللي يقول السفارة ما ترد او ما تعطينا وجه بالعكس والله انهم حريصين على المواطنين وانا اعرف قصص كثيرة حصلت بالخارج ولولا الله ثم تدخل السفارة كان الحين خلف القضبان .
والمعذرة على الاطالة