رحلة مراكش الحمراء في شهر مارس 2015
السلام عليكم ورحمة الله وبركاته ...
حبيت اشارككم بتقرير رحلتي الي مراكش بعد انقطاع دام سنتين وعليها رشة شهور ...!
حيث اني حولت سياحتي الي شرق اسيا واوربا
كي تذهب الزعطه الواعره لكن لم استطيع احتمال الغياب )) المهم نسرد لكم مجريات المباراه ... الذهنيه والواقعيه ..،
طبعاً الرحله كانت تشكيلة الفريق من اربعة اشخاص كلهم ناس عاقلين ومخضرمين ....
كان اول لقاء مع المهاجم عليان في الاستراحه بعد انقطاع دام عن هذا الشخص العزيز على قلبي سبع سنوات ... اخذتنا الاحاديث عن السفر قال وش رايك انتلها للمغرب او التشيك قلت انت ثقافتك فرنسيه مايصير تروح للتشيك ههههههههههههههااي
طيب المغرب قلت قدام ..... احد بيروح معنا قال ازهل فيه خط وسط مبدع وجناح ناري ... كلمنا الشباب وبعد جهد اقتنعو بالخوه )) يازين خوتهم ..
مالكم بالطويله ......
الرحله كانت من المدينة المنوره دبي كازا
14/مارس
والعوده نفس النظام
25/مارس
الميزانيه غير محدده اهم شي يكون بحسابك ١٦ الف غيرها لك .....
تقابلنا في المدينه والشوق قاتل اخذنا شقه رتبنا اوضاعنا وع المطار نيشان
وصلنا دبي مدري الساعه كم لكن حول الساعه ٧ مساءً وكان الانتظار طويل جدا الاقلاع الساعه سبعه صباحاً ... قلنا نطلع من المطار ونسهر حتى تجي الرحله ... قيددددددام ... طلعنا دبي وعلى اقرب موقع للسهر من المطار وين قالو الرقه ....
حلقنا في الرقه وعشاء فاخر ولفلفه بالمحلات !. بدت السهره سهرنا في نايت اسمه جار القمر كان خاوي طبعاً مافيه الا ثلاث طاولات عامره الفنان بطل وصوته حلو المكان مرتب وجميل.... بس طبعا ماكنا متحمسين ابداً للسهر في دبي بس عشان يروح الوقت ...... تونسنا ... قربت الرحله يالنشاما .
يتبع ......