السلام عليكم ورحمه الله وبركاته واسعد الله مسى الجميع بالخير والمسرات وبعد

الاستاذة / حورية علوي مديرة مجمع النخيل بمراكش ..
هذة شهادة شكر وتقدير وامتنان واحترام لشخصها الكريم لتفاعلها الايجابي والمهني والسريع مع المشكلة الي صارت لي وكان موقفها نقطة تحول في التمديد وحب المنتجع وسأسرد لكم ما حصل :
سكنا المجمع ووفقنا الله في شغاله لم ارى لها مثيل في حسن الاستقبال والنظافة وااااااااااه على الطبخ شي غير معقوول جميع ما يخطر في بالك تسويه وبخدمه فندقية فوق الممتاز المهم جلسنا يوم وغيرنا السكن لان الشقة كبيرة واخذنا اصغر منها واول ما شفت وجه الشغاله الي بالشقه الجديدة غسلت يدي منها عكس تماما" جميلة الجميلات تحملتها وطلبت منها تسوي لنا عشاء وكان ردها لحاله يسد نفسك مما اضطرني للذهاب للإدارة دخلت والكل مشغول وتوجهت مباشرة للاستاذة حورية ولم اكن اعلم وقتها بأنها مديرة المجمع وشرحت رغبتي بتغيير الشغالة مدري وش اسمها سألتي سؤال واحد وهي تكتب الاجابة عن السبب والملاحظات اجبتها بانها اولا" غير نظيفة من وضع الشقه لما دخلناها وثانيا" اسلوبها فض قالت لي خلاص اغيرها لك وقتها طلبت منها تجيب لي جميلة الجميلات قالت باحاول قدر المستطاع وطلبت مني ارتاح بالانتظار قليلا" منعا" للاحراج وخلال اقل من نص ساعه وخلال شربي لفنجال الشاهي تم تغيير الشغالات اهم مافي الامر انها اثبتت لي واقعا" الاسلوب الاداري الناجح حيث انها عالجت الموقف من ناحيتين كسبت رضى العميل وراعت ايضا الوضع النفسي للشغاله السيئة مع معالجه وضعها بطريقه سلسة وبسيطه .
طبعا" علمت لاحقا" انه من الصعب ان تطلب شغاله بعينها لان بعض الشغالات وخصوصا القديمات والكبيرات في السن امثال جميلة الجميلات جميلة تكون بالشقة الي هي مسؤلة عنها لعدة سنوات وتعتبرها منزلها الثاني ..
وفقنا الله في مقابلة الاستاذة حورية بالصدفه وفي غير وقت تواجدها وكان تجاوب طيب وخلاء اجازتنا من افضل الى الافضل
وهذا الموقف ما دفعني للكتابه عن هذة الادارة الحكميه والفاعلة لها مني كل شكر وعرفان وكثر الله امثالها وانصح اي شخص يسكن بالمنتجع ويحدث له اي موقف ان يتواصل مع الاستاذة حورية مديرة المجمع حيث لاحظت خروجها وتفاعلها مع اكثر من عميل لكم مني كل ود طولت عليكم بس لحبي لكم اكتب بحريتي .

__________________

.. يـآمن يرآعيني بعينـهـ .. وأرآعيــهـ