الحلقة الأولى :


كان موعدي مع ابو سعود الساعه ١٢ نتقابل بالمطار عشان نتقهوى ونسولف ونتتن ونعين من الله خار ، لأنه يعرفني زين دمي حار وماحب التأخير والقروشه .
هو للأمانه قاوم قراري ليلة السفر
وانا كنت مستغل حماسه واندفاعه وأصدرت الأوامر وماكان امامه الا الرضوخ :)
طبعاً رحلتنا كانت الساعه ٣ على الخطوط السعودية ( الرياض كازا الرياض ) دايركت ، صحيت الساعه ١٠ وكلمت الحلاق واخذت فطور معاي من عند فوال الطايف ومريته بالسكن واتجهنا للمحل افطرنا وتتنا وحلقنا والساعه ١٢ الا ربع وانا قد ركبت التاكسي وعلى المطار وجالس اكلم ابو سعود بعد ماسحبت عليه عشر مكالمات وانا عند الحلاق .
وصلت المطار على الساعه ١٢ وربع وانتظرنا شويات وشحنا العفش وقطعنا البوردنق ورحنا للكوفي احذنا قهوتنا وجلسنا نسولف ونتتن ونتفاهم على المحطة الثانية بعد كازا لاني قد حجزت عند صاحبي شقه بالزرقطوني لمدة يومين نرتاح فيها ونجس نبض كازا بعد غياب طويل .
وصلنا كازا ع الساعه الثامنه والنصف رحت لموظف الجوازات وشاف جوازي وابتسم بعد ماشافه نضييييف من الأختام يحسبنه لقى صيدته ، وتغير وجهه ١٨٠ درجة بعد مامديت يدي لشنطتي المحمولة وطلعت له جوازي القديم مليان اختام المغرب :)
انا تحركت عندي الجينات السعواستفزازيه وقلت له عافاك خويا الي ورا مني صاحبي جاي معايا ماتعطلو الله يعاونك :)



تحياتي لجميع القراء والتكملة لاحقاً ،،،،،