اول مره اركب طيارة ورحلة كانت من الرياض لجدة وكان الهدف منها عمرة في مكة
الزبده ان خويي اللي معي كرتون في شي اسمه سفر وحجوزات سويت نفسي ابو العريف ودقيت ع الخطوط الو سلام وشلونك يالامير لو سمحت ابي احجز ع مكة

الموظف : حياك للله فيه حجز باليوم الفلاني على جدة

انا : يا خالي انا مابي جدة ابي مكة الا غصب تبيني اجي جدة

الموظف : يا كرتون مكة مافيها مطار

قفلها معي سكرت السماعه ومازلت مصر ع ان مكة فيها مطار

رحت الخطوط سلام ابي مكة قالي الموظف احد قالك انك راكب مع كداد ؟ تنزل ع جدة وبعدين مكة خط

انا: لحوووول حتى انت .. طامرت شوي يمين يسار الين ماعرفت ان مكة مافيها مطار .. خوينا يوم ركبنا الطيارة ورجعنا
من بعدها وهو الى يومنا هذا يشوف اني ابو الحريف ومازال في كل حجز يدق علي ويوكلني بموضوع الحجوزات
اتوقع لو درى عن السالفة بيقطعها معي