المشاركة الأصلية كتبت بواسطة ماجستير فله

السلام عليكم,,,
اخواني اولا احب اقول شكرا للمنتدئ مره اخرئ على الي استفدته منه خلال رحلتي الاسبوع الماضي وعلى الشباب الي قابلتهم والي كانت صحبتهم جدا ممتازه وفيه مواقف تضل ذكريات جميله. لذلك حبيت اضيف بعض النصائح للي بيسافرون مستقبلا للمغرب لكي يستفيدو منها.

- استئجار سياره من المطار في الغالب راح يطلب منك تامين مبلغ او جواز, ولكن حذاي لاتعطي الجواز مهما كان واذا اضطريت استاجر السياره من كازا فقط نص ساعه بالقطار. انا بسبب جهل مني استاجرت سياره من المطار و250 يومي و رهنت جوازي وتعطلت سيارتي في مراكش في حي شعبي الساعه 2 بالليل وجوني شباب مغاربه زي العسل ساعدوني يابعاد سيارتي عن الخط وايقافها بجانبه وتعطلت يوم كامل بسبب هالحادث, لكن الي شفع لي ان حرصت قبل استاجار السباره اني اتاكد ان عندهم فرع في مراكش وللامانه اليوم الثاني قبل المغرب وانا ماخذ سياره اخرئ, طبعا سيئه وفيها اصوات بس تفك ازمه والي صار سلمت السياره في المطار وخصمت عليهم يوم بسبب اني تعطلت يوم كامل.
بالنسبه للسكن الي اشوفه اغلب الشباب يوجهون للمنتجعات بحجه الامن وعدم التعرض للمشاكل من الشرطه بسبب الطيور, وانا لي تحفظ على هالموضوع لان اسعار بعض المنتجعات بمالغ فيها بعض الشي اذا نضرنا الى ان الشخص يرغب في التمشي في قليز واحياء مراكش الجميله والي تعتبر بعيده تقريبا. ولكن الي صار معي استاجرت اقامه حلوه ومرتبه بقيمه 400 درهم في اليوم, وبعدها بحثت عن شقه ولقيت مجمع شقق اسعاره تبداء من 600 الى 800 درهم في اليوم وكانت للامانه احلئ واوسع من شقق النخيل الي سكنت فيها سابقا. وكان غالبيه سكان العماره سياح مغاربه, امريكان, مصريين, فلسطينيين وايضا جيراني كانو عراقيين الباب بجانب الباب, على الكلام الي سمعته ان الخليجيين يمكن انا واثنين فقط في العماره في ذاك الوقت واحد منهم في خلال مده اقامتي صارت له مشكله مع الدرك بس مو من السكن ولكن للاسف من قل تصرفه.
بالنسبه للتمشي في شركات كثير تقدم خدمات رحلات على دبابات ورحلات على حسب الموسم لاوكيدمان او اوريكا والمناطق الاخرئ الجميله القريبه من مراكش.
اما بالنسبه للسهر غالبيه اماكن السهر لازم طاوله مع ان المفروض يضعونها حاله شاذه لان غالبيه السياح ماراح تسهر بعصير قبل رمضان والمفروض تكون طلبات او ماشابه وهذا الي خلاني اسحب عليهم لانك راح تكون مجبر تجلس على البار.
بالنسبه لبابيلون السكن مريت عليه كنت ابي استاجر فيه وكان تعامل مندوب مبيعات فيه سيئ معي نسيت اسمه وسعره مبالغ شوي مع الاسعار الي لقيتها براء وسحبت عليه

طبعا فيه نقطه مهمه بالنسبه للسكن الي لاحظته انك اذا رحت لعمارات سكن صاده وفيها سياح اجانب كثير غير خليجيين راح تقل عليك فرص حصول مشاكل لان المكان لم يصل الى مرحله الشبهه كما هو الحال مع البابيلون.

بالنسبه للروز السويتات الي فيه الي شفتها ماتستاهل السعر المعروض واعتقد انه الروز ينفع اذا انتم اثنين وبتاخذو فله.
وبرضوه بالنسبه للاكل اكتشفت مطاعم شعبيه وجد شهيه بالقرب من اسيما في قليز وايضا فيه مطاعم متخصصه بالسمك بالقرب من فندق الماس في قليز وكانت شهيه, واذا ودك ساحه الفناء حلوه وتستحق الزياره وفيه اكل شعبي في الداخل على كيفك وحلوه للي يبغئ يشتري مقاضي بس اسعارهم مبالغ فيها شويه يعني يبي لك تعرف تكاسرهم.

وفيه ناس من اهل مراكش زي العسل تعاملت معهم وتعرفت عليهم وبعضهم لزم علي يعزمني في بيته لكن لقله ايام الرحله اعتذرت منهم وللامانه ماشفت من اهل مراكش الا كل شي حلو والرغبه الواضحه فيهم انك تستمتع في مده اقامتك ولا تعرضت لمشاكل او محاوله نصب من الكلام الي اسمعه من بعض الاخوان.
كانت رحله جميله وانشالله راح اعيدها بس بدون اني استاجر سياره لان القطار موجود دايركت الرباط الى مراكش.

انشالله اكون افدتكم بالي كتبته