انا راح اتكلملك في البدايه عن مدينة اغادير بخصوص السكن يعتبر فندق اماديل بييتش من افضل الفنادق الان من ناحية الامان ودخول الضيوف وفيه عندهم بعض الانظمه الي راح افصلك هيا في الخاص ان شاءالله عشان تكون على علم وعندك ايضا شقق المارينا انا بصراحه ماسكنت فيها بس بعض الاخوان سكنو فيها ويمدحوها بس الافضل خليك على فندق اماديل بييتش واما بخصوص السياره ماتوقع تحتاج سياره في اغادير لانها صغيره وجميع الاماكن قريبه منك ونفس الشي راح اعطيك الطرق وقت ماتعزم ان شاءالله , اما بخصوص مبلغ 20 الف ريال غير كافي وراح احسبلك هيا حسبه بسيطه بخصوص فندق اماديل سعر السكن فيه الغرفه المطله بـ1150 درهم وهذي غرفه مطله على البحر يعني 550 ريال سعودي وغير المطله بسعر 1050 درهم يعني 500 ريال وانتم لازم تحتاجون غرفتين مستقله لكل واحد فيكم ,هذا بس السكن وعليك بالامور الثانيه اتوقع لو تحسبها على 1500 ريال في اليوم راح يكون افضل لك وراح تعيش وانت مرتاح , اما بخصوص المدينه الثانيه كازا مدينه حلوه والاخوان ماراح يقصرو معاك من ناحية السكن وعندك ايضا مدينة مراكش جميله وتقدر تسكن في الدرقاوي واتوقع سعر الشقه غرفتين 1400 درهم بس لازم تحتاج سياره في مراكش والاخوان راح يفيدوك اكثر عن المدن الاخرى اما بخصوص اغادير وقت ماتعزم عليها راح ان شاءالله افيدك ولا هان الاخوان , رحله سعيده ان شاءالله