حان وقت السفر والعين عيّت تنام
السلام عليكم
مدري ليه تذكرت اغنية رباب اللي تقول ( حان وقت السفر والعين عيّت تنام )
ومن البارح وانا يشيلني حلم ويحطني حلم
وطقطقت بأبيات على قدي لعلها تنال إعجابكم
ياللي سألت سعود ويش اخباره = شوقه كبير وفرحته عفويه
دايم مشغّل اغنية مغياره = ووجهه عليه من الوله ماريّه
اللي عذلني ماسمعت اشواره = انا عقدت العزم قبل النيه
تكفون دلوني على الطياره = اللي تروح الديره الغربيه
ابغى المحيط الاطلسي ودياره = واملا عيوني بالوجيه الحيه
حر الرياض وعجته وغباره = يمدي عليهم عقب هالصيفيه
نودعكم غداً ولمدة اسبوعين تقريباً ، نقضيها مابين الرباط ومراكش وكازا ..
بفضل الله ثم بسبب هالمنتدى اصبح عندي مخزون لا بأس به من المعلومات عن المغرب الحبيبة ، واستفدت من خبراتكم ومعلوماتكم
شكراً لكل من افادني وفقني الله واياكم لما فيه الخير