قصيدة والد صدى المزاعيط ...(خاص)
سولف معي باقي من الليل ساعه
ابسمع حروف الغلا منك بالـذات
يانور توه بان لي فـي شعاعـه
أرحم عليلٍ ذاق للموت سكـرات
يا منوة القلب الحزيـن ومتاعـه
يا غايته يا رغبتـه بالخونـدات
قلبٍ يودك يا دعج العيـن راعـه
ترا المحبه والغـلا بالمراعـات
مركب غلانا قام يطرخ اشراعـه
وسط البحور الشاسعات الغزيرات
الصبر مالي فيه عنك استطاعـه
اما تجي ولا قطعنـا المسافـات
العمر فرصه وانت شوفك اطماعه
ساعة لقا ننسا بها كل مـا فـات
يرتاح قلبٍ طاري الشوق لاعـه
ويبـدل ايـام الشقـا بالمسـرات
آمل أن تنال إعجابكم هذي قصيدة الوالد .. (منقولة)
__________________