الموضوع اخواني ظريف ويستاهل ان كل واحد يشارك فيه فقط للتسليه والضحك وهو اطرف موقف لان تنساه في حياتك وانا بحكم اني كاتب الموضوع انا الي ابتدي.
انا متعود لما اخرج من الدوام متجه لسيارتي اتفقد اغراضي الشخصية لاني متعود لما ادخل مكتبي انزل الجوال والدخان والولاعه ومفتاح السياره في درج المكتب عشان اكون على راحتي ومتعود نهاية الدوام لما اخرج من المكتب ونا متجه لسيارتي اتفقد اغراضي لان كذا مره لما اوصل لسيارتي اكون ناسي حاجه في المكتب ركبت سيارتي وشغلت وحركت لما طلعت من الاداره واخذت مسافه ونا ماشي واتذكر اني ما تفقدت اغراضي حطيت يدي في المخبى الايمن الا الجوال موجود الايسر الا الدخان والولاعه موجود مفتاح السيارة مش موجود وامسك ذيك الفرامل الي يحبها قلبك الطريف ان ما فيه حاجه امامي تخليني امسك فرامل قويه كذا فيه سياره خلفي فيها شايب تجاوزني وهو يناظر فيني ويشر بيده عن سبب الفرامل ذي طبعاً انتبهت اني قاعد اسوق واقعد اضحك لين وصلت للبيت..... رجاء من الاخوه الاعضاء عدم التعليق على كمية الغباء الي في جبهتي