ظاقت بي الدنيا وهمّي ما عرف سرّه أحد
ما غير قلبي من رداة الحظ همّي مرتدي
حتّى عيوني من جفاها النوم باتت في سهد
تنزف دموع الهم وعيون الخلايق ترقدي
ودّي بحظّي يبتسم مرّه ويهديني السعد
لكنّ حظّي وأعرفه من جيت فالدنيا ردي
ودّي أخبّي دمعتي وأقطع على نفسي وعد
أغسل دموعي بالفرح وأزيح حزني وأبتدي
هذا الفرح قدام عيني جيت ا قرب له .. بعد
م اذكر أبد انّه تمثّل لي ومسكته في يدي
دايم حصار الهم ساجن فرحتي لأبعد امد
مالي مفر من وحدتي مدام هالحزن أقتدي
وش لي أسابق خطوتي ما دام مافيني جلد
يا كيف ألمح فرحتي مادام صبحي سرمدي
يا كيف أقدر اجبرك تبقى وقلبك ما صمد
من يوم شفت الوضع يتأزّم نسيته يا بْعَدي
لي مثلك أنته مايبي له صدق أو حفظ العهد
مادام قلبك في جنون المال دمّه منعدي
أبعد رجيتك ما أبي مثلك بصدقي ينوجد
يكفي فخر اني صدقت العهد .. وأقبل موعدي