قصيدة لمحمد الاحمد السديري رحمه الله
يا عمير كانك نايم فانهض الـراس ... وان كان قاعد يابن الاجواد قم لـي
عمير انا اخترتك على جملة الناس ... ابيك في بعض الأمور تحشـم لـي
اللي شربت بكأس حبه بـلا قيـاس ... يا عمير جذ البعـد شملـه وشملـي
متى نشوفه عقب الاقفـا والايـاس ... ومتى السعد عقب الفراق يخطملـي
ان غاب تهت بغبة مابهـا اونـاس ... وابرى ليا شفته وعمره سلـم لـي
بكبر عناي ليا اسلمت عنه الارماس ... ويضحك زماني وان مشى بالقدم لي
دايم يباريني مـن الـود هوجـاس ... اما سرى مسـراي والا جهـم لـي
باب الموده لي ينـادي بالاجـراس ... والحب عن كل الخلايق قسـم لـي
ف لي عن النـوم حـراس ... وكثر الهموم الموجعـه ترتـدم لـي
ويهب لي من واعي الحب نسنـاس ... من شاف حالي بالشتا ينهضـم لـي
وان قلت لي يا عمير لا باس لا باس ... اقول أنـا ياعميـر ياثقـل حملـي
يا عمير قلبـي والمعاليـق يبـاس ... قل للشريعه بالقصاص تحكـم لـي
طبعاً القصيدة موجهة للشاعر الكبير عمير بن زبن بن عمير العتيبي
التعديل الأخير تم بواسطة bnfll ; 2011-06-30 الساعة 09:10 AM