صباح الزعطة لكل المزاعيط
الكل ربما كان له تعامل مع البوليس والاستغلال وطلب مبلغ في حال كان فيه أي مخالفة
الأصل أنه المفروض مانعمل مخالفة خصوصاً أن السرعة محددة ولا فيه شي يستاهل أننا نسرع أكثر، لكن شكلنا ماصدقنا خبر أننا بالمغرب فخربناها بالسرعة ناهيك عن أنه أصلاً دايم حنا عجولين على غير سنع

الزبدة، مرة أخذنا مخالفتين بسبب أحد الأصدقاء اللي يسوق بسرعة عالية رغم تحذيرنا وتنبيهنا له
مرة كان مسرع 10 كيلو عن السرعة المحددة وطلب البوليس 700 درهم علشان يخلينا نسير
المرة الثانية قطع إشارة وطلب ألفين، ومع المكاسر وصلت 800 :)

السؤال هو ليه بعض الناس تستسلم لما يطلب البوليس مبلغ؟
ليش ماناخذ المخالفة ونسددها << واللي يعرف طريقة تسديدها يدلنا
ليش مانكاسره ونحاول مانعطيه أكثر من 200 وهو بيرضى بالأخير

والسؤال الأخير/ ماهي عواقب لو رفضنا نعطي البوليس أي مبلغ؟ هل بيعقد الأمور ويصعبها لدرجة نقول ياليتنا معطينه اللي طلبه؟
صراحة مايعطى للبوليس يكفي ميزانية دولة