سلام عليكم
عدنا من رحلتنا الممتدة من 15 مارس الى 25 مارس عشرة ليال بالضبط
وبما اني ما انفع لعداد التقرير ندخل بالموضوع سيدة

البداية كان من مراكش نزلنا بمطار محمد الخامس الساعة 5 المغرب وعلى طول خلصنا من الجوازات وتوجهنا لبنك وفاء التجاري وحولنا العملة من عنده وفتحنا حسابين واخد كل واحد من 5 الاف في جيبه وباقي المبلغ فالحساب وكان عبده من مكتب الشمري كار ينتظرنا تحت معه السايق والسيارة

نزلنا تحت وقابلناهم ودفعنا ايجار السيارة 10 ايام وطلعنا على طول لمراكش المسافة اكثر من ساعتين ونص بما ان السايق يمشي 120

وصلنا مراكش وعلى طول على الروز قاردن قالوا كلشي فل نحاول فيهم مانفع المهم ماطولنا ومشينا على شقق بابليون

بعد ماوصلنا قالوا عندكم حجز قلنا لا
قابلنا واحد مراوع كبير بس في نفس الوقت خدوم اسمه ابو هبا

قال فيه شقق قريبه وش رايكم تروحون تشوفونها وبكره ترجعون عندنا رحنا لها وشفناها ماتنفع ابد ابد قلنا لا مانبيها
وحنا راجعين اتصل هو على البابليون قال حصلنا لكم شقة غرفتين قلنا هدا ههههه

ونرجع نشوفها شقة لاباس بها واعطيها 80 % من كل شي قلنا بسم الله هذا حق يومين

جلسنا فيها يومين وبعدين بدلنا شقة ثانيه بنفس المجمع وبنفس المستوى او افضل شوي وبنفس السعر

الليلة الاولى رحنا على دسكو 555 ولا يسوا بريال سمعه على الفاضي وتدفع حق دوخليه 200 لك شخص او طاولة ب1500 درهم الصيد الله بالخير ولا نظرنا في احد جلسنا تقريبا ساعة عندهم ومشينا على w صراحة شي على الجودة وهو احسن مرقص في نظري في مراكش
طاولة ب 1500 فوق فيها كل شي وعصيرك تختاره والصيد وافر ومزياااان
وتعامل w جدا ناس محترمين وسيدة ولامانع من دهن السير ب50 او 100 للي يخدمك مباشرة ويحطك فعيونه ولايطلبونها منك بس تلميح طبعا الطاولات في دبليو تحتلف فيه طاولات غاليه ب3000 وموقعها تحت بس فوق ب1500

طبعنا هم يقفلون الساعة 5
وموقعه جنب الديوان ..الديوان اقل مستوي ولا اعجبني ابد والطاولة عندهم ب 1500 بس مايسوى..

طبعن النهار بعد الغداء بالنسبة لنا ناخذ جولة في مراكش تفقديه فيها غداء وفيها تسوق والمغرب مانفوت شارع قليز وستار بكس والمجمع اللي جنبه تسوق وتكيه في ستار بكس وعموم الشارع حلو فيه اسواق كثير وصيد وااااجد ومطاعم ونجلس فيه لين تقريبا الساعة 10 ونختم جولتنا اليوميه وبعدها ندق العشاء في ماكدو او مطعم غيره

اذا كان عندنا ضيوف نرجع للشقة الساعة 11 واذا مافيه ضيوف توجهنا لدبليو واغلب سهراتنا فالشقة .

اليوم الثاني لثالث لنا فمراكش توجهنا لوريكه وهي بعيد شوي عن مراكش ممكن ساعتين بالسيارة ولابد للي يجي مراكش يمر عليها تستاهل الزيارة واهم شي يروح من بدري ويتغداء في مطعم في محطة مدري وش اسمه بي في محطة على اليسار وانت رايح مطعم كبيرة وعليه شراعات بيضاء يعني موقع باااااين في محطة بس عندهم طاجن الدجاج البلدي يشي خرافي والسعر معقول والجودة عاليه جدا...

ومن معالم مراكش ساحة الفناء حلو التماشي فيها بس كن حذر ولا تكلم احد ابد سير على رجلك وتفرج واللي يكلمك لاتكلمه حتى لو قال سلام عليكم

وهي تقريبا امنه بس قروشت شحادين
وفيها مطاعم شعبية جدا كويس وبسيطه
ولذيذه

.....ملاحظات اخي القارى.....


الافضل انك تسكن وسط البلد
لا تبحث عن الفخامة المبالغ فيها ترا كل شي بثمنه ومن جيبك ابحث عن مايناسبك


افتح حساب في التجاري وفاء وحط دراهمك وتقدر تسحب يومي 6000 من صرافات بنك وفاء ودفعه واحد الحساب تقدر تحط فيه مبلغ عالي بس انا حطيت فيه 39000 الف درهم

سمعنا كلام قبل السفر وحنا طبعنا اول زبارة ان المغرب ومراكش بالذات تمشي وتبخشش .ولا شفنا ابد ابد الشوارع مايكلمك غير الشحادين وقليل جدا

الدرك والشرطة اذا لقوا عليك زله يطلبون البخشيش واهم شي شد حزام الامان واضمن لك محد يطلب منك درهم


الافضل انك تستاجر سيارة بالسايق احسن لك واوفر لك ويخدمك في بعض الامور ترسله يجيبها من البقالات واي شي اخر .وفي بعض الامور الافضل تعتمد على نفسك ههههههه


المطاعم لاتطلب غير لين تعرف قايمة الاسعار وقبل ينزل لك الطلب تسأله بكم


فيه مطاعم كثير جدا طيبه واذكر منها سناك على مدخل مراكش عند اشارة

المراقص هذا منها الدبليو وكاش والباقي سيفون والافضل تخلي سهراتك بشقة ولامانع انك تمر عليها ليلة او ليلتين

السكن انصح بابليون ماحد حولك ولا اكراميات ولا شي ودخل اللي تبي ضيوف عصير معسل موقعة قريبا من كل شي وحودة لاباس بها وسعر 2000 للشقة غرفتين مع صاله كبير وبلكونه مطبخ متكامل وارفع الصوت ولاحد حولك ولااحد يدق عليك
الدبليو والديوان اقل من 5 دقايق وشارع قليز 10 دقايق

بس انتبه من الدرج اللي عند البوابة حقت البابليون لاتطيح وانت رايح للصراف والا البقالة


وانتظروني في تقرير اكادير
وبكذا انتهينا من تقرير مراكش تقرير بالمختصر والمهم واللي عنده اي سؤال خاص او عام. يرسله خاص

وتصبح على خير