صباح الخير عليكم
كيف ديرين لباس
هنا جيت عوتاني
جبت ليكم وصفة جديدة
الى سبق زار المغرب عارفها
هي الحرشة
على طريقتي انا الخاصة
كتير ناس تيعملوها كين الى تيديرو فيها سكر او الخميرة ديال الحلوة او الحليب
انا لا
غادي نقوليكم المقادير
اول شي نحتاجو
السميد يكون من النوع الى ماغليط مارقيق يعني متوسط
الماء على حسب الجهد الى يجمع ليك العجينة مع العلم هي تتجي شوية جارية
الملح حسب الذوق
زيت العود او الزيت البلدية
وصافي
تنشدو السميد تنديروه في القصعة الا عندكم او غير في جبانية كبيرة
تنضيفو عليه الزيت + الملح
من بعد تنضيفو الما
وتنحاولو نجمعو الخليط غير بيدينا
تنضيفو الما حتى تتجمع لينا ولكن بنفس الوقت تبقى جارية
وكنصوبو كورة
تنرشو عليها السميد باش تجمع شوية
في مقلة سخونة سخناها من قبل
تنحطو هديك الكورة
ونقرصو في المقلة ههههههههههههه عنداكم تحرقو فحالي
^
^
^
شداتني بيضاوية واوراق بالهدرة وتحرقت لي شوية
انتم خليوها غيرتحمر شوية هههههههههههههههه
ايوا هدي الوصفة طابت
وبالصحة والراحة عليكم تفضلووو
تقدرو تستعملو معاها العسل والزبدة بلدية ممممم تتجي بنينة
او تقدرو تغمسوها في الزيت البلدية
او فرماج
وبصحتكم وراحتكم واكيد مع اتاي او قهيوة
: (155):: (155):