غادي نقدم ليكم اليوم المسمن
المقادير هي كالتالي
400 غ من الفارينة او الزرع مطحون قمح كل واحد كيف تيسميه
الماء دافي على حسب الخليط
الملح حسب الدووق
شوية زيت العود
شوية الزيت العادية او زيت المائدة
غادي نحطو الدقيق الاسمر في قصعة ونضيفو عليه شوية الملح
ونجمعو العجينة بالما حتى نحصلو على عجينة متماسكة
ومن بعد نديروها كويرات
ناخدو كويرة وندهنو القصعة بشوية الزيت ونسرحو فيها العجينة
نطويو جه وحده كماهو مبين في الصورة
ونطويو الجه الاخرى
من بعد من الراس نطوي حتى الوسط
ونرجعو الطرف التاني باش نحصلو على مربع
ونقرصوه في القصعة مانقرصوش بزااف نخليه شوية باش مايجيش رقيق
ونسخنو المقلة مزيان ونديرو فيها شوية الزيت
ونحطو المسمنة ديالنا باش تحمر
ومني تحمر نقلبوها
ونكررو نفس العملية حتى نكملو كاع العجينة ديالنا
هالمسمن واجد
بصحه كولو
تفضلو مازال الخير
: (155):