العقل بيت شيوخ والحلـم جاسـوس ++++ للنفـس يقطـع مـن تركهـا ثوانـي
خذني وطلعنـي ولـو الهـوا كـوس +++ أبـا أتنفـس شـي صافـي وهانـي
داخل تصادم فكـر ومزاحـم نفـوس +++ علـى فتافيـت الغـوى والغـوانـي
في هاللوبي كل شي ضايع ومعكـوس +++ ماكـن فـي هالكـون رب وأمانـي
أثاثـه الغامـق وتصفيفـة الـكـوس +++ تـدل علـى ذوق راقــي ودانــي
شفهم وشف كيف الفشل يجعل الروس +++ اشيـا كمالـيـه مبـيـن الأذانــي
وشف كيف هذا ثمل ويعثـر ويـدوس +++ علـى مسمـى جــده الأولانــي
وشف كيف هالشايب برغبته محبـوس +++ تحت شعار أن آخـر العمـر فانـي
أحس عنـده عيلـه وبنـت عـروس +++ تخجـل مـن أبوهـا كثيـر وتعانـي
وشف الثنيـن هنـاك تراهـم جنوس +++ رجال بس رجـال مـن نوع ثاني
ضحايا نفط وقـل طاعـه ونامـوس +++ والأم كانـت طيـش والأب أنـانـي
وشف هالجمال اللي مدثر ومحيـوس +++ مثـل الكـلام اللـي بليـا معـانـي
فتاة تعرض جسمها الغـض بفلـوس +++ ويبيعهـا فاليـوم عشريـن زانــي
كل الزوايـا طافحـه قبـح ونجـوس +++ تسبـح وفالركـن الأخيـر الموانـي
واحد يغنـي وعنـده حثالـه جلـوس +++ كـأن مافـي هالحيـاه إلا أغـانـي
ياوخز قلبي وخزة الجـرح بالمـوس +++ ياعـالـمٍ مافـيـه حـلـم وتفـانـي
في هاللبي مافيـه ريـس ومريـوس +++ الكـل بايـع نفـس والكـل جـانـي
والكل عنده عـذر واهـي ومـدروس +++ لوقلت ليـه انتـه كـذا قـال أعانـي
أنا اللي أعاني مـن القـوس للقـوس +++ هـذا مهـب جـوي ولاهـو مكانـي
بركض وابي يركض معي ألف فانوس +++ إلـى صباحـات الغـلا والتهـانـي
روح معي والواقـع أحيـان كابـوس +++ وأنـا ماحـط اللـوم علـى زمانـي
أحمـد ربـي كـل مـادق نـاقـوس +++ وأعرف حدودي وأستحي من كيانـي
وأصمت ليا جا للحكي روس وعسوس +++ وأضحك ولو وجهي من البكي حانـي
لو كل شي محسوس ياخوك ملمـوس +++ شليت آخـر جـرح بيـن المحانـي
الفيلسوف / سعد علوش
التعديل الأخير تم بواسطة الميموني ; 2011-07-17 الساعة 08:27 AM
سبب آخر: غلطه