نزلت هالجزء بسرعة لأنكم أحرجتوني بتعليقاتكم الله يسعدكم

الجزء الثاني

* أول ما دخلت الصاله حق إنتظار القادمين شفنى العالم الآخر هذه تتلقى ولدها وهذه زوجها وهذا ينتظر أمه وأحضان وتشوف الأم تحضن ولدها ومن الفرحة تنزل دموع
منظر عاطفي
المهم وأنا أمشي وأناظر لدراما اللي في الصالة في شئ شايل همه من كنت في البيت المزمزيه لا يكون اذا قابلتني بيصير فيه عناق حار ( لا لا صعبة يا عيال) قدام العالم طبعا بحكم مجتمعنا مستحيل ولكن قلت شكل بيصير نفس الدراما اللي قبل شوي بس أنا الحلقة الأخيرة بما إنها بتتأخر

نشبلي واحد تبي طاكسي (بحرف الطاء) أعتذرت منه بدون ما أتكلم أشرت بيدي زي لمن لاعب ماعنده لغه ويعتذر من حكم أجنبي بالإشارات ( كيف التشبيه بس ) علشان مايعرف أني خليجي الاخ كان نشبه بمعنى الكلمة لأن أغلب المسافرين أخذوا طاكسي واللي أختفى طبعا أكتشفت بعدين إنهم راحوا للقطار بحكم معرفتهم بالديرة وأنا جلست بصاله وذا قروشني قلتله انا منتظر شخص قال مايقدر يأخذك اذا شافته الحكومه لازم يطلع مع طاكسي من المطار ( هذا رده بس مدري ايش يقصد بضبط )
في نقطة ( أنا قبل لا أسافر دقيت على خدمة العملاء وسألت اذا الشريحة تشتغل في المغرب لأني ماحبيت أغير رقم أو يكون رقمي السعودي شغال لأسباب العمل قال نعم تشتغل وعطاني الطريقة وأسعار المكالمات كانت حلوه جدا لكن لمن وصلت شريحتي العام اللي قالت معليش ماراح أشتغل والشريحة مسبقة الدفع اللي ماخذها للأستقبال فقط أشتغلت وهي اللي كلمت منها المزمزيه كما ذكرت في الجزء الأول لكن خلص الرصيد وأنا متورط كيف أتواصل معها لان بدون رصيد ما يستقبل )

النشبه قال خذلك شريحة تعال أساعدك قلت لا شكرًا قال خذ كلم من جوالي رفضت وانا متردد بصراحة عرفت إن الشريحة العام سحبت علي قمت أدور شريحة شافني قال تعال هنا زحمة وداني محل قال الشريحة بي ٥٠ درهم بدون شحن وأنا المزمزيه علمتني السعر عرفت إنه غالي رفضت قالي خذ جوالي دق مع تردد قبلت علشان اعرف وين وصلت هي جايه او اروح لها المحطة المهم دقيت عليها قالت ربع ساعة وتوصل كلمها علشان يعرف وين هي بتجيني قالت محطة القطار قفل ... كنت اشوف درج قريب مني والعالم تنزل معه بس بصراحة مع القروشة ما أنتبهت إنه يودي للقطار نزلت المحطةشفت مصلى قلتله بدخل أصلي صليت الظهر والعصر

وهو صار البودي قارد تبعي المشكلة أنا أطول منه وأعرض