عرض مشاركة واحدة
مزعوط مراكشي
مزعوط جديد
المشاركات: 11
تاريخ التسجيل: Sep 2016
مزعوط مراكشي غير متواجد حالياً  
قديم 2016-09-18, 04:52 PM
 
تقرير لمراكش بين ال Boss والمربوش

مراكش بين ال Boss و المربوش

السلام عليكم ورحمة الله تعالى وبركاته،،

من باب الاحسان ورد الاحسان سيتم سرد تقرير رحلتي الى مراكش الحمراء في شهر ابريل الماضي. ادري اني متأخر ولكن يعلم الله ان المقصد من هذا التقرير هو الفائدة وتعمدت ذكر جميع الاسعار على وجه الدقة لان للاسف غالبية الاعضاء لا يذكرون الاسعار في تقاريرهم وهذا مايهم القارئ الذي ينوي الذهاب ولا يعرف معدل المصروفات اليومية

على كل حال حنا ثلاثة زكرت واحد مننا زار المغرب اكثر من مرة ولدية خبرة كافية وانا سميته في هذا التقرير ال Boss والثاني خوينا مربوش اول مره يروح المغرب ولكن للاسف جوه حق تايلند والفلبين مايصلح. والسفر دايم يعلمك بخويك. والثالث هو انا الي اول مره ازور المغرب

المهم حجزنا على الخطوط السعودية وكان عليها عرض 1400 ريال ذهاب واياب "دمام كازا - كازا دمام"

جاء يوم الرحله وتوكلنا على الله وخوينا المربوش ضيع البوردينق حقه وسوالنا فلم يفكرنا حنا نستهبل عليه وخاشينه يعني مقلب. وقال انا ماراح اروح معاكم برجع للدمام وهونت وبعد مشادة ونكادة قلنا بنروح للبوابة وبنقوله انها ضايعة. وفعلا رحنا للبوابة وقلنا له خوينا المربوش مضيع البوردينق وقام الموظف قال فلان الفلاني؟ قلنا له ايه وش دراك. قال حصلتها طايحة عند البوابة وخذتها ههههههه. المهم رغم كلام الموظف الا ان خوينا ما اقتنع وقال اكيد هو متواطئ معكم. مزاج خوينا مره مو اوكي

الممهم تعوذنا من ابليس واقلعت الطيارة ووصلنا كازا

وصلنا وجينا على دار المحبين جينا ثم فاح ريح الورد والياسمين، المهم نزلنا من الطيارة وختمنا جوازاتنا نزلنا تحت ناخذ شناطنا، رحت انا ادور الشناط وكان خوينا ال Boss في كشك لشركة الاتصالات هناك بغينا نتورط معهم بهوشة لان خوينا ال Boss زعيط شوي وقام يستهبل على الموظفة وردت علينا بكل عصبيه ونرفزة، تعوذنا من ابليس وخذنا لنا شريحة ببلاش كانت بدون رصيد طبعا،، المهم حصلنا شناطنا وشنطة العزبة وتوكلنا على الله صوب مراكش الحمراء، وحنا بالطريق اذونا التفاتيش شوي مع اختراعات المخالفات الي ما انزل الله بها من سلطان علشان تدفع بخشيش وانا الي كنت اسوق، دفعت بخشيش مرتين علشان اوصل بمراكش وكل بخشيش 100 درهم ولا يملى عينهم بعد. المهم كملنا دربنا وكان الخط متعب شوي 270 كيلو. وصلنا النخيل الدرقاوي. حي ذا الشووووف
رد مع اقتباس