دخلنا وقلنا لهم عندنا حجز دبلوكس في بوابة 10 وحنا طالبين هالبوابة لانها الاقرب. المهم قالت لنا حالياً بوابة 10 فل بس بعطيكم شي زوين في بوابة 3 قلنا لها اوكي الي تشوفينه. وعلى بال مايرتبون لنا اجراءات الحجز نزلنا تحت حصلنا مطعم طلبنا من عنده صحنين طاجن واحد دجاج وواحد خضار وكان الحساب 200 درهم مع البييسي. بس بصراحة ماكان ذاك الزود ويعتبر غالي بس على ماقالوا "عن الخاطر"، بعد ماخصلنا الغداء رحنا وجلسنا في المقهى الي مقابل الصرافين وتونا جالسين الا وقالوا لنا حجزكم جاهز. كانت الساعة تقريبا 12 الظهر. ركبنا في سيارتهم انا وال Boss وخوينا المربوش يلحقنا بالسيارة الاكسنت لحد ماوصلنا للدوبلكس ودخلناه وكانوا الخدم في الاستقبال بابتسامه مشرقه وقبول عالي جداً تحس انك تعرفهم من زمان. ما شاء الله دوبلكس رايق وشرفته رايقه وصالته مقبولة ومجهز بالسماعات وهذا الي كنت شايل همه اكثر شي، دخلنا وقاموا الخدم اخذوا شناطنا ورتبوها وزبطوا الامور وتروشنا وما امدانا ننشف اجسامنا الا والخدم يقولون الاتاي جاهز بالشرفة حطيناه لكم