الموضوع
:
حوت في الفران من كوزينتي
عرض مشاركة واحدة
Nadosh
موقوف
المشاركات: 9,263
تاريخ التسجيل: Mar 2011
الدولة: بلاد الكفار
2011-07-30, 08:39 PM
حوت في الفران من كوزينتي
مساء الخير
اليوم السبت عادة اغلب الاسر المغربية تيديرو السمك
او بالاحرى عائلتي انا وقيلا بوحدها ههههههههه
المهم اليوم جربت حوتة في الفرن
درتها خفيفة
وكيف ماعودتكم دائما تنحاول كل الوصفات الى تنزل ليكم
تكون حصرية
وعلى طريقتي ومن اجتهادي الخاص
يعني ماشي بالضرورة يكون هداك هو الاصل للطبخة
لان اكيد كل منطقة في المغرب وعندها طريقتها
انا تنحاول نبسط كل وصفاتي
باش حتى الاخوان الى معانا او العزوبية يقدرو يجربوها
داكشي علاش ماتحبش نصعبها او حط شي مكونات الى صعبة او ماشي في متناول الجميع
>>>>> طلقينا لله يرحم ليك الولدين
المهم مانطولش عليكم
نخليكم مع الصور والشرح والمقادير
بخصوص الحوت اي نوع تتحبو
من بعد ماتتنضف الحوت
رشيتها بالملح و ورقدتها شوية في الماء والخل
خليتها تنشف
ومشيت صوبت الشرمولة
والى هي عبارة عن
زيت زيتون+ كامون+شوية الفلفلة حمرا + شوية فلفل احمر حار او شطة +شوية عصير حامض ووشوية من الفلف الاسود والقزبر والمعدنوس مقطعين (
للاشارة مادرتش التومه لانه احنى في المغرب تيقلك التومة مكروهة وخصوصا ايام رمضان يعني تنوقفو التومة ايام قبل شهر الكريم
) وخلطتهم
الحوته بعد مانشفت حطيتها في صحن الى تيدخل الفران
وحاولت نحط عليها شرمولة
بديت من الداخل
وحطيت فوقها
من بعد ماجرحتها شوية بالسكين دخلت في ديك الجريحات شوية الحامض
وحتى داخل ديالها
ومن بعد شديت بطاطة وقطعتها مربعات كبيرة ومطيشة حتى هي
وعلى حسب الذوق تقدرو تزيدو حتى الفلف الاخضر و الجزر مقطع حتى هو انا ماتنحبش هاد المكونات واكتفيت بالبطاطس
ودخلتها الفرن تحمر الا كنتو مستعجلين ماتغطيوهاش اما الا كنتو ماوراكم والو
من الاحسن تغطيوها بالالمنيوم باش طيب على خاطرها
والشرمولة الى بقات زدت فيها شوية الماء وضفته على الكل باش تجيني مريقة
عزيز عليا نغمس ههههههه
بصحتكم وراحتكم
: (75):: (75):
وقبلو عليا راه اخر الشهر هدا ههههههههههههههههه
Nadosh
مشاهدة ملفه الشخصي
البحث عن كل مشاركات Nadosh