ذهبت فضوليً وعدت عاشقً <<تقرير>>
السلام عليكم ورحمة الله وبركاتة
أولاً والله العظيم اني سأكتب الي واجهته بدون رَيَّا او {تطبيل}
نبدأ تفاصيل الرحله وكيف قررنا نروح كلنا اول مره نروح للمغرب اول شي اعضاء الرحله انا < ابوفيصل> والمحامي خالد والكنق فهد ح والذئب ابوالعز وجو الرحلة كلها ابوشيوم في اليوم الثاني من عيد الفطر طرحت الفكره والكل وافق بنفس اليوم قررنا نرتب امورنا <سريع سريع> بعد التفكير قررنا نروح بداية شهر اكتوبر لان بداية موسم البروده في <<مراكش الحبيبه>>
بحثنا عن حجز الطيران وكنا نبحث عن الخطوط<< القطرية_الاتحاد_الامارتية>> وفي اليوم الثاني من اغسطس حجزنا مع الاتحاد مسار الرحله (الرياض-ابوظبي-كازا) الترانزيت في ابوظبي ٥٥ دقيقة
ب ١٩٨٠ ريال للشخص . وبدينا نبحث عن سكن مميز وسواق أميز بحكم انو كنّا ٥ اشخاص فكان البحث عن منتجع لما كنّا نسمعه من اوضاع أمنية<<خراط>> بعد البحث وعلى قولتنا التمحيص والتدقيق قررنا نحجز في منتجع جنة الاطلس من عند الأخت صباح <~~ احفظو اسمها زين حجزنا عندهم ٧ غرف فله بمسبح خاص مع شغاله وطباخه ب ٦٠٠٠ الاف درهم. انتهينا الحين من قصة السكن الي اتعبتنا وحنا ندور .قبل الرحله ب اسبوع ونص كلمنا عراب الرحله ( ابوسلطان ) يظبط وضعنا من ناحية السائق وأمورنا ف البدايه وفعلاً جهز امورنا ب الكامل وكان معنا لحظه بلحظه حجزنا سايق من والى المطار ب ٧٠٠ درهم طبعاً سياره كبيره وانتهينا من قصة السائق وفي اليوم الاثنين الموافق ٣ اكتوبر قبل الرحله بيوم اتصلت علينا (صبوحه) ايه هي الي فوق قالت المنتجع يوفر لكم سياره كهديه من المطار الى المنتجع قلنا أبركها ساعه وكلمنا السائق حقنا قلنا خلك في مراكش بنتصل عليك اذا وصلنا
وجاء يوم الرحله الموافق ٤ اكتوبر مشينا المطار وأمورنا في السليم طرنا ١١ تقريباً وصلنا ١ بتوقيت ابوظبي ع طول رحنا للبوابة (٤٧)