المشاركة الأصلية كتبت بواسطة موكـوسـ كبيدتيـ
حياك الله اخوي وتروح وترد بالسلامه [emoji257]
بالنسبه للسكن على حسب اذا كنت بروحك او مجموعه !!
اذا ثنين واكثر عندك المنتجعات مثل النخيل الدرقاوي , برستيجا ، الروز قاردن ، النخيل ولهم اعلانات بالمنتدى تواصل معهم يعطونك الاسعار والصور - وامان لكل شي بعد الله
اذا كنت وحداني ومو اول سفره لك انصحك بشقه بحي بجليز حي جميل وكل الخدمات عندك وشقق حالها حال المنتجعات بالامان والنظافه وسعرها مناسب وتادي الغرض ويفيدك فيها ( الاخ ابو سلمان ) معلن بالمنتدى بعنوان البيت بيتك يمدحونه الشباب ورجال ونعم فيه
الشغالات يتوفر ١٢ ساعه و ٢٤ حسب رغبتك وباسعار مناسبه وهذي يوفرها لك من يوفرلك السكن لاتحاتيها
السهر - عندك الديوان حليو - عندك كاش روعه - عندك w يجنن - عندك تربل 555 يهبل
السياره او السائق ترجع لمودك وطبيعتك - بالنسبه لي افضل اخذ سياره من المطار بدون سواق واروح واجي ع كيفي
بالنسبه للسعر اتوقع ٥٠٠ السائق مع السياره سعر حليو ويفيدونك الاخوان لان ماقد جربت سائق
اماكن سياحيه - اممم ساحة الفنا - اوريكا - حدائق ماجوريل - سوق مراكش الشعبي - محطة مراكش حلوه - جامع الكتبيه - كثير اماكن تستحق الزياره بمراكش ويفيدونك الاخوان والاخوات اللي عندهم خبره ان شاء الله
النصايح -
١ - لايركب معك اي احد بسيارتك نهائي دايم خلهم يتبعونك بتكسي
٢- لاتروح عند احد تعرفت عليه باماكن السهر لبيته مهما كانت المغريات
٣- جوازك لايفارقك ولاترهنه عند اي احد مهما كان
٤- فلوسك دايم قسمها ولاتخليها بمكان واحد -
٥- لاجاك ظيف لايجيب معه احد حتى لو مايبي شي منك الا تكون معرفتكم قديمه !
اممم هذا اللي طلع معي حاليا - عسى الله يوفقك ويستر عليك واستمتع بكل دقيقه لك بمراكش [emoji257]