مساءگم ورد [emoji257]

انا بأخلي الموضوع اقرب للعاميه من الفصحى وبأقول :
وش اللي تغيّر في مراكش قبل الربيع العربي مثل ما يقولون وبعد الربيع ؟... انا اعتبر نفسي نوعً ما من اللي لحقوا عز المغرب بشكل عام ومراكش على وجه الخصوص إبتداءً من اول رحله لي عام 2001 الى 2016 وبالتحديد في شهر 9 .. وانا اقول عز المغرب لعدة اسباب السبب الاول الفرق بالتعامل مع المختصين بالسياحه في الوقت القديم والان .. والسبب الثاني ان الطلب صار اكثر من العرض في كل شي إبتداءً من السياره ومن بعدها السكن الى وإلى ^^ ..

بالنسبه لتغيّر التعامل فالسبب بدون تفكير منا وهو قبولنا لإرتفاع السبب بدون اعتراض وبحجة الأمان اللي كل ما بغوا يمشون شي عندهم قالوا الامان وبعضهم يجيك مدربي راسه لو يقولون له شقه بغرفه ب ٤٠٠٠ درهم وافق يعننه كاسب غنيمه [emoji30] وهذا النوع المفروض انهم يمسكونه ويطلعونه في العماره اللي فيها الشقه ام ٤٠٠٠ ويحذفونه من فوق ويخلون سكس يستناه تحت اول ما يطيح وقبل ما تطلع روحه يدعسه لين يساويه فالارض [emoji23][emoji23][emoji23]

يعني الحين اللي يشوف الدرقاوي وشقه ام غرفتين ب ٢٢٠٠ شي عجيب للدرجه ذي الرجال ما شاف السياح شي يعني تقريباً ب ١٠٠٠ ريال سعودي وليتها تستاهل الشقه والا الحوش الرزقاردن والا والا اغلب الاماكن المشهورة صار فيها الطمع بزاااااااف ... والحل هو مقاطعة كل مِن يرفع السعر علشان يعرف ان الله حق .. والله لو جت مقاطعه منظمه انه ينزل مثل ايام العز وغصب بعد ..

تصدقون ان السكن في مراكش في المنتجعات المشهورة اغلا من فندق فورسيزن حق مراكش