خرجت من المطار متجه الى مراكش وكنت حاجز شقه عند اخونا ابوسلمان في غليز وصلت وشفت الشقه ومارتحت المنطقه مخيفه واحس ان العيون كلها علي مع اني لحالي ومامعي احد ماني متعود على منطقه شعبيه وحركة دائمه وقتها حسيت الدنيا صكت فيني الدنيا وراودتني افكار اني اكنسل وارجع ١٧ ساعه متواصله من الارهاق والتعب وانتظار الحقائب قررت اني انام بالشقه وثاني يوم الف بنفسي وادور بالمكان اللي انا متعود عليه شارع محمد السادس وفعلا لقيت شقه غرفه وصاله ب ٨٠٠ درهم وانا انصح الشباب يريحوا اول يوم بكازا وثاني يوم يدور وسهل يحصل ولايكون اتكالي بعد مااستقريت بالشقه حسيت اني تو وصلت للمغرب وفعلا مثل مايقولون ثلاثة ارباع السفره هو راحتك بالسكن طلعت على فترة الظهر تغديت بمطعم للاسماك بغيليز وهو قريب من ماكدو اكلهم لذيذ غداي كلف ٣٠٠ درهم وهو عباره عن سمكه ونصف كيلو روبيان لزوم الباور وسلطه وكولا
جلست اتمشي بغليز وتقهويت باحد الكافيهات وبعدها على مرجان اخذ جميع احتياجاتي والسعر الله يديم الرخص ٤٢٠ درهم خرجت من مرجان وتوجت لمطعم لسلسلة فذركيرز بجانب مرجان اخذت ستيك وسلطه والسعر معقول ١٤٠ درهم على الساعه العاشره توجهت لقصر النخيل وكان متغير عن اخر زياه لي الطاولات صارت اكثر ترتيب والخدمه افضل والفنانين زادوا عن قبل فبه فنانه مغربيه صوتها حلو وفنان مصري جديد علي صوته حلو بس كثير هذره وازعجنا بالدكتور فلان واعلان وذكر القبايل وصوت الحسن بينادي ياصحراء حسسني داخلين حرب .الخيارات كثير فيه طاولات على البست بسعر والباقي على الطلب الشيشه ب١٥٠ درهم والمشروب ب١٠٠ وللاسف معسل العنب اللي متعود عليه موموجود مثل السابق انتهت السهره على الساعه وحده الصبح وجلسوا يسحبون فيني تعال اسهر معنا اعتذرت ورجعت للبيت اخذت راس شيشه ونمت