تكاليف السفر الى المغرب
اكتب تكاليف سفرت الى المغرب - تكاليف السفر الى المغرب - تكاليف السفر للمغرب
حياكم الله .. بالبداية أحب أشكر أخوي ( قلبي هناك ) الي من موضوع تفاصيل رحلته المالية استمديت فكرة هالموضوع ..
ثانياً .. هالموضوع راح يكون مرجع مالي لكل مسافر للمغرب .. سواء جديد أو مزعوط قديم .. هنا راح نناقش الأمور المالية فقط بأدق تفاصيلها ..
راح اذكر لكم الخطوط العريضه لماهو مطلوب بالتقرير .. وطبعاً مالنا غناة عن اضافاتكم القيمه ..
-( اهم النقاط الواجب ذكرها )-
سعر التذكره : ويشمل على أي خطوط كانت الرحله متى وقت الرحله هل هو في موسم او لا هل الرحله دايركت او ترانزيت ..
سعر وسيلة النقل : ويشمل هل أجرت سيارة أو اتنفقت مع تاكسي أو كل مشوار تروح مع تاكسي .. وهالنقطه مهمه بالتفصيل الممل ..
سعر السكن : ويشمل نوع السكن ( شقه – فله – شاليه ) مضاف إليه سعر الشغاله إذا كانت تجلس 24 وسعرها إذا كانت تجلس نص يوم ..
المقاهي والمطاعم : ويشمل اسعار الشيش والمشروبات في المقاهي واسعار المأكولات بالمطاعم ويفضل ذكر اسم المطعم أو المقهى ..
الحلاقه والنظافه : ويشمل اسعار صالونات الحلاقه الرجاليه و الحمامات المغربية ويفضل ذكر الصالون أو الحمام المغربي المقصود ويفضل تفصيل الخدمات الي قدمها لك ..
أسعار رحلات السياحيه : ويشمل رحلات صيد السمك و رحلات القنص و الرحلات للمناطق الأثريه والمعالم البارزه مع ذكر إسم نادي رحلات صيد السمك أو القنص وذكر اسماء الاماكن السياحيه والمعالم ..
السهرات الليليه : ويشمل اسعار تذاكر الدخول و سعر الطاوله وكم عدد الاشخاص واسعار الخدمات المقدمه على الطاوله من قبل العاملين بالمحل ويفضل ذكر اسم محل السهره ..
الكماليات اليومية : النقطه هذي المساحه متروكه لك انك تذكر اسعار الاشياء الي ما ذكرتها قبل ..
بالنهاية اتمنى هالموضوع يلاقي تفاعلكم واستحسانكم .. وان نكون قدمنا شيئاً مفيداً للمنتدى ..
الإدارة