دجاجة معمرة بالفيرميسيل

Nadosh

موقوف

المشاركات: 9,263

تاريخ التسجيل: Mar 2011

الدولة: بلاد الكفار

2011-08-15, 06:45 PM

دجاجة معمرة بالفيرميسيل

مممممممممممممممممممم اليوم جبت ليكم دجاجة معمرة كاتجي واعرة وزوينة
وخفيفة وصراحه تجي فنة في العشاء خصوصا رمضان

مانطولش عليكم
ندوزو للمعقول

من بعد ماتنغسلو الدجاج مزيان
ونرقدوها في الحامض والخل والملحة وتغسل مزيان وتسقطر
من الاحسن يكون ليلة قبل نخليوها تنشف في تلاجة

كنوجدو أولاً الشرمولة :
الربيع + الثوم + كنور دجاج + ملح + ابزار + تحميرا + فلفلة سودانية + عصير الحامض

كنشرملو الدجاج مزيان وتشرب الشرمولةنخليوها ترقد شي جهد 4 إلى 5 ساعات

دبا غادي نوجدو الحشوة :

كنحتاجو فيرمسل مسلوقة ومقطعة كنزدو لها شوية د الشرمولة

كنزدو شوية ديل الزيتون خضر مقطع

كنعمرو الدجاج بالحشوة ونسدوها مزيان

كنديرو الدجاجة تفوور في الكسكاس حتى تطيب جهدشي 1h45

دائماً بنفس الشرمولة كنقيموا البطاطا مقطعة مكعبات صغيرة
البطاطة اختياريةا ولكن الا انتم تحبو تنوعو
ديرو الخضر الى تتعجبكم

كنديرو البطاطا تفور مع الدجاج

في طبق للفرن كنديرو الدجاج مع البطاطا وندرو طريفات د الزبدة او السمن وندخله للفرن يتحمر

وهدا هو الشكل النهائي بالصحة والراحة