المهم ياطويلين الاعمار يالمزاعيط الغالين
خلصت من الدرك رجعت الفندق شافني الرسبشن وطبعا صارو اصحابي قالي فين مشيت قلت لحمامات مولا يعقوب قالي مزيااان اخاي عندك تاخد شاور اليوم والغدا قلت ليش قال خلي الكبريت ياخذ مفعوله بجسمك قلت شكرا على المعلومه مشيت وريحتي كلها كبريت غسلت وجهي بس ورجولي اعزكم الله وسحبت جوالي اتصفح فيه لين غلبني النعاس وثالث يوم لي بفاس بعد مافطرت زرت جامع القروين تحفه معماريه على بساطتها لكنها فعلا تحفه معماريه اكثر من راااائعه
وباقي اليوم قهاوي ومطعم طبعا غداي هو عشاي ورجعت الفندق لان الفندق فيه جلسه حلوه على حمام السباحه تجلس تشرب قهوه تأزأز مرندا [emoji12]
رابع يوم طالع عمركم رحت قالي موظف الرسبشن روح برج الشمال قلت عباره عن شنو قالي حصن قديم وفيه مدافع قديمه وكان اكبر نقاط المراقبه للأعداء لمدينة فاس
ورحت له وكان فعلا مثل ماقالي موظف الرسبشن
طبعا يالمزاعيط فيني طبع انا لما اروح مثل هالرحله اترك جوالي فالسياره يعني انزل بلا عولمه بدائي لاجوال لاواتسب ولا نت [emoji23][emoji23][emoji23]
وطبعا لما خلصت كالعاده امر على كم قهوه اجلس اشوف الناس اتقهوى وبعدين اقرب مطعم بطريقي ومنها للفندق
خامس يوم قلت وراك طريق ياولد ريح خلك ريلاكس وكنت متردد مراكش ولا طنجه مع انه مكلمني واحد من الربع فمراكش يقول تعال وترددت لانه بيني وبينكم مراكش ماعاد تجوزلي بصراحه من طلع دبليو وكبليو وحبليو وانكبت الناس عليها وهي طالعه من خاطري اتمنى مايزعلون عشاق مراكش
والسموحه يالربع ماعرف اسجل تقارير على السجيه والله اول مره اكتب تقرير غير التقارير الامنيه [emoji23][emoji23][emoji23][emoji23]
فالحلقه القادمه نكمل لكم اين توجهت هل لمراكش او لطنجه
[emoji23][emoji23][emoji23][emoji23] حلوه الحلقه القادمه
دمتم بخير [emoji173]️