تحيبة طيبة للناس الزعلانين من الموضوع السابق الي طرحتة
اولا هذي وجهة نظر شخصية ممكن ناس توافقني الراي
وممكن ناس تختلف معاي وانا اتقبل جميع الاراء بصدر رحب
انا متأكد ان جميع الي خالفني الرأي هم من حديثين العهد بالمغرب
انا لا انكر ان المغرب بلد جميييل جدا واسرني لسنوات كثيرة اعرف المغرب شبر شبر
اتحدث جميع لهجاته وبطلاقة
بس الهدف من الموضوع السابق ليس التقليل من المغرب ولا اهله
بالعكس اهل المغرب ناس طيبين جدا
بس الاسباب الي خلتني اطرح الموضوع هو الي شفته في المغرب في الاونه الاخيرة
اولا النظرة من الشعب المغربي للسائح الخليجي
وانا ماالومهم صراحة في هذي النظرة لان فيه بزران قليلين حياء ماعندهم احترام لاي احد
وفيه ناس عكست صورة من رواد المغرب انه السائح الخليجي عبارة عن بنك متنقل
وهو اساسا طالع بقرض ودين
كذلك السكن تسكن شقه غرفة او غرفتين في قمة الوساخة ب1500 درهم والعذر كل شي عامر وترى هذا مجرد عذر الشقق فاضية عشان يزيد السعر او تاخذ فله اقل شي ب4000 درهم وانت طالع طبعا ابو 4000 هذي ماتنسكن طبعا وتحس نفسك مروج مخدرات خايف من المداهمات
الاسعار هذي ترى مبالغ فيها جدا جدا جدا
ومضحوك علينا فيها ادري بيجي واحد الحين يقول عادي احنا مبسوطين على كذا وانا اقوله هذي وجهة نظري
على فكرة المبلغ هذا الي دفعته في الشقه الوسخه تسكن في بنصفه في فندق 5 نجوم
وبالنسبه للي يقول الدنيا تغيرت كلها انا اتفق معكم ودوام الحال من المحال ولكن انا اتكلم بخصوص السياحة المغرب كان له نكهة معينة وخاصة فيه الان تغيرت هذي النكهه وممكن تجدها في بلد ثاني وبأقل تكلفه والله اتكلم من معرفة تامة وليس من فراغ
مشكلتنا انه احنا نحب نجلس في دائرة ماعطينا انفسنا الحرية للتحرر من القيود وكسر النمط الي عايشين عليه انا مااقول لاعاد تروحون للمغرب روحوا بس لا تقيدون انفسكم فيه افتح لافاقك مساحات للاطلاع على بلدان اكثر روعه
فيه اشياء كثير ودي اتكلم عنها بس انا ماودي اجرح بعض الاعضاء ولهم التقدير والاحترام
بس فيه تنويه بسيط على خاطري لازم اقوله
يخص البعض ولايشمل الكل:
اصحاب السفر للمغرب لأهداف معينه حاب اقولك ترى الوضع اصبح مثل البحرين ودبي لاتعيش في وهم
ولاينضحك عليك وانتبه احد يسوي عليك فلم وتسلم العهدة ترى الشغله تمثيل في تمثيل خلك صاحي وذيب
اسف على الاطالة واتمنى مااحد يزعل مني وسامحوني هذي وجهة نظر شخصية اذا مااعجبتك تجاهلها
وسلامتكم