حريرة من كوزينتي

بيضاوية مديراش

مزعوط خبير

المشاركات: 3,025

تاريخ التسجيل: Jun 2011

الدولة: كازا بلانكا

2011-08-16, 09:06 PM

حريرة من كوزينتي

السلام عليكم ورحمة الله تعالى وبر كاته
ليوم بغيت نوريكم تحضير لحريرة بطريقة سهلة بزاااف
صورت طريقة خطوة خطوة باش تجيكم بسيطة
باسم الله نبداو

المقادير

نصف كاس عدس
كاس حمص (يكون ليلة كاملة منقوع في لما)
5 ملاعق صلصة صماطم مركزة
نصف كاس كرافس مفروم
كاس قزبرة وبقدونس مفرومين
6 حبات طماطم مطحونة (تطحن مع كاس ماء بعدما تقطع قطع صغيرة)
من بعد دير التوابل
نص ملعقة صغيرة ابزار
نص ملعقة صغيرة زنجبيل مطحون
نصف ملعقة كركم
حسب الدوق انا ندير ملعقة صغيرة ونصف
ملعقةكبيرة تحميرة (فلفل احمر حلو تقولو لها بابريكا)
نصف ملعقة كبيرة سمن (زبدة مالحة شوف واش عندكم ولا لا )
بالنسبة للزيت الى درت سمن ضيف غير 2 ملاعق كبار زيت الطبخ
الى مدرتش سمن دير 3ملاعق زيت
نمشيو طريقة
ناخدو طنجرة ضغط نديرو فيها 2 لتر ماء
لمراحل بالصور

نحركو كلشي حتى يتمزجو

نقفلو طنجرة مزيان وخليها طيب 25دقيقة نحلو وشوف الى مطابش الحمص عاود نقفلو عليها حتى يطيب

الى طاب الحمص نخليها فوق العافية مهيلة بزاف باش تدوز لمرحلة الاخيرة

في مولينكس ندير كاس ونصف ما و6 معالق دقيق ابيض
طحنهم مزيان حتى ميبقاوش مكورين بيضين

خويهم في الطنجة مع التحريك بشكل دائري ومستمر حتى يتخلط الدقيق مع حريرة نبقا نحرك حتى باش ميتلصقش الدقيق في قاع الطنجرة من بعد نضيف شوية قزبر ونصف بيضة مطربة (كتبقى اختيارية ) التحريك نخليهم يغليو 15 دقيقة ونحيدها من لعافية

ها هي وجدات حريرتنا بالصحة والراحة

: (720):: (720):: (720):

__________________
إنـي ابتليت بـأربع مـا سُلِّطوا.... إلا لشـدّة شقوتـي وعنـائي

ابليس والدنيا ونفسي والهوى...كيف الخلاص وكلهم أعدائي

بمـعية الرحــمن ونــهج حبيبـه ... أبــلغ بـإذن الله رجـــائي "