المشاركة الأصلية كتبت بواسطة Dosarri

السلام عليكم ورحمة الله وبركاتة
عندي كذا استفسار واتمنى مايرد الى الي عنده معلومات كافيه ووافية ومنتو مقصرين
نبدا من البداية المطار
1/ معاي مبلغ الرحلة وش الافضل احطه في بنك ووش افضل بنك وكم اقدر اسحب يومياً
وهل اقدر افتح اكثر من حساب ب اسمي وكم حساب اقدر
على كثر ما قريت وسمعت عن فتح الحسابات في المغرب إلا إني ما سبق استخدمت إلا الكاش ( أحياناً ريال وأحياناً دولار ) وأموري بالسليم ، وحاط بطاقات الصراف والفيزا للطوارئ ، لكن خلك حذر من السرقات ولا تنس عمرك إذا عمرت الطاسة بالعصير ، ولو ضمنت سكنك وشغالاتك استخدم السيفتي بوكس اللي بغرفتك .
2/ شرايح النت والاتصال لمراكش وش افضل انوي ولا اتصالات المغرب واخذها من المطار ولا برى
أول ما تخلص من الجوازات وتنزل من الدرج الكهربائي تلقى أكشاك كل الشركات يوزعون الشرايح مجانا ، ما عليك إلا تاخذ شريحة وتشحنها أيضا بنفس المطار من محلات اتصالات تشحن لك رسايل ونت بفلوس ، وتوكل على الله ، طبعا خذ من اللي تبي منهم ( انوي أو اتصالات ) ، أما أنا عن نفسي فعندي رقم قديم استخدمه في كل رحلاتي من سنوات ، وان بغيت تشتري وتشحن شريحة من داخل البلد تقدر .
3/احول العمله ف المطار ولا في مكان افضل من ناحية الصرف نطلع من المطار جو الرحلة
محلات صرافة المطارات غالية ، لكنك مضطر تصرف ألفين ثلاثة لحين الوصول لمدينتك ، وهناك تلقى اسعار احسن
4/ انا ي الربع راعي شيشة وعانيت معاناه من ناحية الفحم والمشكله ف النايتات كلوب الفحم عندهم عالمي الي يعرف محل يبيع فحم كويس يعلمني وين مكانه حتى لو برى مراكش
اشتر فحم من المحلات اللي جنب الملاحم أو من نفس الملاحم ، وإن بغيت فحم مكعبات تلقاه بالمحل اللي قدام بقالة بوابة 10
5/ افضل محل للتسوق لاغراض الفله من اكل وشرب و ( عصاير ) كارفور على خبري ولا في محل افضل
للتسوق المرجان وكارفور أسعارهم متقاربة ، علماً إن المرجان وقفوا بيع العصير ، وفيه سوبرماركت اوتوغادو ( في طريق فاس ) أرخص منهم شوي ، وإن بغيت العصير فيه محل صغير قريب من ديسكو الكاش ( ما اعف اوصفه بالضبط ، لكن اسأل عنه تره معروف ) ، وإلا خذ من محل فيكتوريا ، واذا تبي شوري اشتر كل أغراض البقالة من أصغر بقالة بأصغر شارع بأي حارة شعبية ، خاصة الخضار .
6/ ابي كفيهات حقت تكيه بعد العشاء مزاج وتصصيد غير { ستار بوكس } الي امرضونا فيه
شارع محمد السادس مليان مقاهي ، وكل الفنادق الكبيرة فيها مقاهي أيضا
7/ شفت كذا مقطع ي الربع مسبح في مراكش عالمي يعني اتوقع نادي او زي كذا فيه عالم
ابي اعرف اسمه ناوي اروح له معحبني الجو فيه حق العصرية
فيه مسابح الفنادق ، وهذي عامرة من سكانها ، وفيه أيضا كم مسبح مستقلات ويكون فيها بار وموسيقى ( تشتري تذاكر وتدخل ، من أشهرها مسبح فيموس ) ، وأنا عارف إنك شايفها بسنابات البنات ، لكن لا تغرك سنابات البنات ، ترى جوها ما هو بزود ، والبنات يروحون بس علشان يصورون سناب ، واغلب روادها من الاوروبيين ، ولا أظن من هالوقت وبعد يبي يسمح لك الجو تروح لمسابح لأن الماء بدأ يبرد .
8/ ابي اسعار الحلاقين الي يجي يومياً تقريبا
وقف عند اي حلاق في شارع ، واذا حسيت انه نظيف جربه ، واستمر بالتعامل معها ، ولا تخاف من قلة النظافة لو شفت ان محله شعبي ، خاصة ان غالبية الحلاقين في المغرب نظيفين ، وخل عنك حلاق بوابة 10 واسعارهم الاستغلالية ،
ادري كثرت عليكم الاستفسارات