طجبن كوكلي بالفريت ساهل ماهل

بيضاوية مديراش

مزعوط خبير

المشاركات: 3,025

تاريخ التسجيل: Jun 2011

الدولة: كازا بلانكا

2011-08-18, 06:25 AM

طجبن كوكلي بالفريت ساهل ماهل

السلام عليكم كيدايرين لاباس عليكم
ليوم جبت لكم واحد اكلة زوينة وساهلة بزاااااف
فحال ديما طريقة بالصور باش تسهال عليكم
باسم الله نبداو
المقادير:
دجاج كوكلي (عندكم الحق انكم تختارو الكمية اللي بتناسبكم)
بصلة كبيرة مقطعة
زيتون اخضر (اختاروا الكمية اللي تناسبكم)
بطاطس للقلي
الملح (الكمية اللي تناسبكم)
نصف ملعقة صغيرة من الفلفل الاسود
نصف ملعقة صغيرة من الزنجبيل
لب نصف ليمونة مرقدة (مصير )
نصف ملعقة صغيرة من الكركم
وشوية زعفران حر وشوية سمن الى كان موجود
زيت الطعام (الكمية اللي تناسبكم)
يمكن خلط زيت الزيتون مع القليل من زيت الطعام
القزبرة البقدونس مدقوقين مع توم
الطريقة:
المرحلة1
يغسل الدجاج مزيان نزولو ليه الشحم
نفركه بالملح ونغلسه بالماء
نفركه بالبصل المحكوك والحامض
وتنركه لمدة 10دقائق
حتى نتخلص من رائحة الزفر
نغسلو بالماء مزيان ناخد طاوة ندير فيها ربع كاس ماء ونضيف كل التوابل لي دكرت والقزبر و التوم الا الزيت منديروش نخليو دجاج مرقد 2 سوايع باش يشرب التوابل ويجي لديد

المرحلة2
نديرو الزيت وبصلة في طاجين

ونضيف دجاج

نخليه يتقلى ويتشحر مزيان

بعدها نضيف الماء ونخليه حتى ينضج الدجاج ونضيف الزيتون ونتركه لمدة 10 دقائق
نحضر البطاطس المقلية ( اكيد تعرفو الطريقة هههههههههههههههههه)
المرحلة 3
بعدما طاب طجين نحمر شوية دجاج في لفرن بالحق ماشي بزاف باش مينشفش لحمو و نزينه بحبات الزيتون وانا درت شي حبات لوز مقلي

ونضع البطاطس المقلية فوق الدجاج

بالصحة والراحة ونتمنى تجربوه يجي زوين بزااااف

__________________
إنـي ابتليت بـأربع مـا سُلِّطوا.... إلا لشـدّة شقوتـي وعنـائي

ابليس والدنيا ونفسي والهوى...كيف الخلاص وكلهم أعدائي

بمـعية الرحــمن ونــهج حبيبـه ... أبــلغ بـإذن الله رجـــائي "

التعديل الأخير تم بواسطة بيضاوية مديراش ; 2011-08-18 الساعة 06:31 AM