كعب غزال + حلوة الوردة من كوزينتي

Nadosh

موقوف

المشاركات: 9,263

تاريخ التسجيل: Mar 2011

الدولة: بلاد الكفار

2011-08-26, 11:45 PM

كعب غزال + حلوة الوردة من كوزينتي

اليوم اول مره صوبت كعب غزل
صراحه كان تيجيني انه صعيب
وبزاف فيه خدمة
وكنت نعكز نصوبو
واليوم قلت والله حتى نجرب وفين ماخرج
الا صدق هي هديك ماصدقش الله يخلي الحمام ياكل كل شي هههههههههههههه

يالله مانطول عليكم نخليكم مع المقادير

بالنسبة للعجين:

غادي نحتاجوو

تقريبا جوج زفلافات متوسطين ديال الدقيق

قبصة الملح

معلقة سكر سنيدة

كاس الا ربع ديال زبدة مدوبة

ماء زهر تقريبا شي 8 معالق

وماء بارد على حسب الخليط

لتحضير العجين

في ايناء تندير الدقيق وقبصة الملح و معلقة السكر
وتنضيف عليه زبدة مدوبة والماء زهر

وتنجمعو العجينة بالماء ومني تجمع نقصموها على جوج
ونغطيوها بالفيل اليمونتيغ

ونخليوها ترتاح

ندوزو دبا للحشوة

غادي نحتاجو ليها

كيلو لوز

نص كيلو سنيدة

مسكة حرة

ماء زهر

ونص كاع زبدة مدوبة

ندوزو دبا لتحضير

غادي نشدو اللوز نخويو عليه ماء طايب

ومن بعد نفسخوه ونشفوه

من بعد نطحنوه في طحانة مع سكر سنيدة
حتى يولي فحال هكا

من بعد

في ايناء نضيفو اللوز بعد ماطحناه ونضيف عليه ماء زهر والزبدة مدوبة ونجمع الكل

وندير من الخليط صبيعات

للاشارة حجم الاصابع الى صوبنا باللوز هي الى تتحدد لينا حجم الكعب

من بعد نشدو العجينة ديالنا
ونطلقوها مزيان ونسرحوها بالدلك حتى ترقاق

ناخد ديك صبيعات ديال اللوز ونحطوها

ومن بعد نغطيو الصبع اللوز بالعجين

ومن بعد نبركو عليه حتى تبدا تبان لينا العجينة ولات شفافة

ونكررو الطريقة حتى نكملو كل العجين

ونديروه في طاوة وندخلوه لفرن مسخن ومانخليوهش يتحمر بزاف غير شوية

من نفس الحشوة تقدرو تخرجو كتير اشكال وانا حبيت نجرب واحد شكل ديال الوردة
ههههههههه ساعه بانت لي مصدقاتش نخليكم مع طريقة

نفس العجين والحشوة ماضفت حتى حاجة غير طريقة اللف مختلفة ومغايرة

المهم طلقت العجين
والا عندك المطيبعة الي مزوقة من جناب ديريها انا ستعملت غير كاس

من بعد تديري وحده على وحده كيف الصورة

من بعد تديري عقدة اللوز وسط طويلة

وتغطي شوية

من بعد تلفيها فحال شكل المحنشة

وهدا شكلها النهائي

بصحتكم وراحتكم وقبلو عليا
: (478):

هدا شكل الكعب والوريدة منين تيطيبو

: (177):ايوا كيجاتكم اول محاولة؟؟؟؟؟؟؟؟