ولا يهمك اخوي ما طلبت شي
في كم نصيحة حلوه لك مهمه قبل اعطيك الاماكن
اول شي السكن يكون في قيليز لان كل شي قريب منك
ثاني شي تستأجر سياره وتفك عمرك من التكاسي مراكش صغيره وما تضيع فيها

نجي الحين للاماكن
اول شي يوم من الايام تطلعون من الصبح الساعه 11 او 12 بالكثير تروحون لاوريكا منطقة اسمها ستي فاطمه فيها شلالات ومناظر طبيعية حلوه
جلسات قدام الشلالات و بين الشجر و تاكل احلا طاجين و مشاوي بحياتك
المنطقه بعيدة عن مراكش ساعه بالسياره يعني لو تمشي الساعه 12 توصل الساعه 1 و تتغدى هناك و تعسل و تلعب بالشلالات و تستانس و ترجع مع غروب الشمس
طريق اوريكا سهل ما يضيع تروح لشارع محمد السادس (شارع فرنسا) و تخلي قصر المؤتمرات على يمينك و خلك مشاي سيدا الين توصل لستي فاطمه

اليوم الثاني تروحون شلالات اوزود ساعتين بالسياره من مراكش بس ناسي وصف طريقها .... منطقه روعه و بتعجبك

اماكن داخل مراكش
روح خذ لك حمام مغربي بحمام هيلتون على فكره تراه حمام شعبي بس اسمه هيلتون لا تحسب انه حمام موجود في فندق الهيلتون ههههههههههه
روح تسوق و تمشى في اسواق المرجان على طريق كازا
عندك قهوة لافلام كذالك تقاطع شارع قيليز مع طريق كازا
عندك قهوة ايليت كذلك حلوه في قيليز جنب البلازا
عندك كذلك منارة مراكش فيها احواض سمك و تمشيه حلوه
عندك مزار مول ... مول صغير تروح تتمشى فيه العصر شوي و فيه مطاعم و كوفي شوبز و قدامه في السينيما روح احضر لك فلم هناك
عندك كذالك مطعم وكوفي شوب ريفربليت بالقرب من فندق السوفوتيل
عندك كذلك مطعم تتغدى فيه سمك على كيف كيف في قيليز خلف مبنى البريد مطعم شعبي صاير على زاوية بس نسيت اسمه
عندك كذلك الكوفي شوبز الي في مراكش بلازا
يوم من الايام تروحون من العصر لساحة الفنا تتمشون فيها من العصر الين العشا و تتعشون هناك
هذا الي خطر في بالي الحين اتمنى اكون افدتك :)