اغسل خشتك وتمضمض وانثر خشمك خلاص فهمنا تراك زودتها
تحيه لاخي الغالي حنفي
ومساء الخير لجميع الاعضاء
من زمان مادخلت المنتدئ لانشغالي ولكن بعد متابعة الاخ حنفي بالسناب قررت الدخول لاهمية الوضع .
اخي الكريم تصرفاتك والفاظك السوقيه للاسف المفروض ماتقولها بكل هذي البجاحه والمتابعين والاعضاء منهم من يطبل لك
احساسي انك شايف نفسك حبتين ع ايش مادري وتنظر نظره دونيه لغيرك رغم ان به شباب هنا اوشباب من هواة السفر للمغرب ومزاعيط ع الواقع
محترمين وكلا عايش جوه ولا سبب اذيه او تلفظ او غلط ع البلد او رواده والسياح بهذا البلد
الفاظ ( هشك بشك - ليش تحيون - ليش تهدون - ليش تدفعون فلوس - قطو- صورة دش - مجموعة عطورات ومسك جسم هههههه حسيت اتابع مشاهير الدعايه بالسناب افنان او ملاك الحسيني خيررررر ر انشاء الله
اخي عبارة انثر خشمك وربي مقززه احترم سناب المنتدئ والناس والمتابعين
بعدين اخي الكريم رأيك لاتفرضه ع غيرك حسيتك تتعامل مع طلاب بما انك معلم .
١ — دخلت الخليجيات بالموضوع وكأن لسان حالك يقول يابنات الخليج اعجبوا فيني انا الولد اللي مافي مثلي - نعرف ادعاء بعض الناس وكيف يحاول يجذب الجنس الناعم -
٢- سبيت شبابنا وهم والله ماجابوا لك خبر وعاشوا جوهم واجازتهم وانت جالس مع القطو وتتحلطم
٣-اذا كان بخلك او قلت مادتك تمنعك ع السعاده فلا تسافر والله تتعقد زياده وانا اخوك
٤- انا شفت ناس ع تفكيرك كثير وربي المفروض بسفر وسياحه واجازه يفلها ولكن للاسف العكس
تلقاه :
- مرسم ونفسه شينه حتئ كاس النص نص يكاسر ويناقش عليه ويطلب فاتوره
— يجلس بالسهره ابلم ابكم معقود الحجاج
_ يسكن بالرخيص ويسهر بالرخيص همه كله ماحد يلعب علي
_ بين الهشك بشك ع قولتك يابنات شوفوني رسمي ومهم ( وزين اذا ماعمل نفسه ابن وزير او مسئول ) وجالس يسخر من اللي هو غيران منهم يتوقع بيلقئ احد يصدقه او يعطيه كبريائه وماحد درا عن هواء دارك يالغالي

ادارة منتدي العزيز
اخواني واخواتي الاعضاء
ارجوكم لانقبل بتجريح او التقليل من الغير لارضاء وجهة نظر شخص
خلونا المزاعيط المحترمين وهناك خطوط حمراء والفاظ لم تكن بالمنتدئ والان بدت تطلع مما تسبب في مغادرة مزاعيط مخضرمين اكثر من ٦ اشخاص اعرفهم شخصيا

للحديث بقيه اذا ماازعجتكم وانا تحت امر الجميع


للحديث بقيه اذا وجدنا تفاعل مفيد