جبت ليكم البغرير
هو وصفة ضرورية على طاولة الفطور صباح العيد
بالاضافة الى الحلويات والشغلات تانية
مانطولش عليكم نخليكم مع طريقة التحضير
غادي نحتاجو دقيق (الفورص) جهد جوج زلايف
والسميد تقريبا زلافة
ملح
خميرة
والماء دافي
في قصعة او ايناء تنحطو الكل
وتنضيفو الماء شوي شوي
ونخلطو بيدينا
نضيفو الماء حتى يجرى الخليط ولكن ماشي بزااف
من بعد نحطو الخليط بالخلاط
نخلطوه في مولينيكس
من بعد نحطوه في ايناء
ونغطيوها باش يخمر
مني يخمر انا تنحركو شوية بالمغرفة
من بعد تنهز بالمغرفة ونحط في مقلة طيفال الى ماتتلصقش
ملاحضة من الاحسن مقلة ديال البغرير تبقا خاصة وماديرو فيها حتى حاجة
وهدي بغريرتنا بدات تطيب
وهي تقريبا طابت
بالصحة والراحة
وعيدكم مبرووك
