مساء النور ..
المبلغ اللي ذكرته ممكن يعيش فيه المغربي عشر شهور مو عشر ايام ..

ثانيا اذا هذي ميزانيتك تقدر تعيش في اي مدينة مغربية وراح يكون صرفك اليومي بالدرهم المغربي ٣٢٥٠ درهم وهي كافية اذا احسنت الصرف مثلا مراكش ممكن تاخذ غرفة ب١٣٠٠٠ درهم مغربي وممكن تاخذ غرفة ب٨٠ درهم مغربي

عندك شقق في كليز غرفة وصاله اسعارها في حدود ٥٠٠ درهم الى ٧٠٠ درهم المعيشة غير مكلفة كثير .. المنتجعات السكنية التي تستهدف السياح الخليجيين اسعارها دبل مرتين وثلاث في النهاية انت من يقرر مايناسبك

السهر وتوابعه تقدر تعمل كنترول لنفسك لأن زي ماتاخذ طاولة باآلاف ممكن تاخذ تكت ب٢٠٠ درهم وتسهر .

سيارة اقتصادية ممكن تاخذ لك سيارة سعرها في حدود ٣٠٠ درهم الى ٣٥٠ تكون جديدة تقريبا وعندك اعلانات كثيرة هنا في المنتدى لمكاتب تأجير سيارات وتأجير سكن .

الكثير من الأمور انت من يحدد الصرف وكل شي له بديل سواء كان سكن او مكان سهر الخ .

نصائح عامة اكيد تعرفها لكن للتذكير بذكرها:

لاتثق بأي شخص، وخل تعاملك يكون واضح مع اي شخص ولاتطلب خدمة من احد الا اذا احتجتها فعلا واتفق معه على السعر قبل .

في المقاهي والمطاعم اطلب المنيو وشف الأسعار وقبل الحساب خذ الفاتورة ودقق و لاتستعجل بالحساب البخشيش يفضل مايتجاوز ١٠ من قيمة الفاتورة .

المدن السياحية المشهورة هي مراكش وطنجة واكادير يفضل تزور ثنتين منها .

خذ لفة على البلاك لست هنا حتى تاخذ حذرك من طرق النصب وايضا اقرأ تجارب الأعضاء في السفر اتوقع سوف تخرج بمعلومات ثرية وكأنك سافرت عشرات المرات