احسنت التصرف فعلا .

اعتقد الموقف اللي صار لك صار لناس اخرين في بعض الدول مثل تركيا ومصر وسوريا اللي تشتهر بمثل هذه المقالب في بعض محلات السهر.

سمعت بشخص دفعوه مايقارب الالف ريال بسوريا على شي مايستاهل 10 ريال .
والثاني اكل مقلب بتركيا ودفعوه مايقارب ال800دولار على سهره ماتتجاوز ساعة وانت ماشي .
المفترض من اي سائح يسأل عن افضل الأماكن في كل شي ويكون عنده قائمة وعارف الأسعار قبل يجلس على طاولته .

اخر سفره لي كانت في اذربيجان واعتبرها رحلة موفقة في كل شي واستمتعت بالبلد ولم نتعرض الا لموقف بسيط جدا في قوبا من باب الشي بالشيء يذكر سوف اذكره
دخلنا مطعم مافيه الا احنا الثلاثة فقط يتبع السكن اللي سكنا فيه وكان اسمه نزل اسماعيلي اذا ماخانتي الذاكرة
المهم الحساب على المنيو اللي اعطانا هو 58 منات جت الفاتورة طلعت 86 ليش لقينا الرجال حاسب صحون المقبلات الصغيرة مثل الزيتون والجبن بالاضافة انه حاسب الكاتشب والصوص هههه اضافة الى الخبز كان محسوب ولايقدم مع الطلب طبعا الموضوع فيها استغلال في النهاية اعطيناه 70 منات والدرس اللي استفدناه من قوبا اي شي ينزل لك بدون طلب ارفضه او اعرف سعره على الأقل ؛ لأن الصباح افطرنا في مكان ثاني وصارت نفس الحركة جاب ١٠ صحون صغيرة مع الفطور اللي طلبناه لكن رجعناها كلها وخلينا العسل والزيتون وكل صحن عندهم يحسبون ب٢ او ٣ منات .