عرض مشاركة واحدة
ساامي
مزعوط نشيط
المشاركات: 67
تاريخ التسجيل: Feb 2014
ساامي غير متواجد حالياً  
قديم 2019-02-09, 02:41 AM
 
اقتباس:
المشاركة الأصلية كتبت بواسطة aminkhalid مشاهدة المشاركة
اخواني سلام عليكم

انا اتفق مع ان تحويل اي مبلغ لي شخص ما تعرفه او اول تعامل معه هذا خطا ولا تجي تقول انا احذر او تريد تنبه الاخرين كل واحد يعرف هذا الشي

الموضوع الاساسي وعن خبره 11 سنه شغل في مجال السياحه
عندنا بالسودان مثل يقول
( المال السائب يعلم السرقه )

والمال السائب هذا هو البتحوله

شي تاني
نكون واضحين وصريحين
ما بحدد نسبه بس جزء كبير من السياح العرب سياحه ليليه طيور وعصير
او هي جزء من برنامجهم السياحي اذا ما كان هو الهدف الاساسي

طيب المغربي او المصري او التايلندي او الماليزي او الاثيوبي
يشوفك جاي وهو فاهم انك شايل فلوس وداير تصرف علي شراب وبنات
بقول في نفسه مال سايب ياخذ منه نصيب اذا سرقه او نصب او رشوه او اي وسيله اخري
وما تنسي شباب المغرب فاهمين انتو جايين لي
فيهم الغيور وما بيرضي في بنات بلده بس ما عنده حيله ليمنعك او يتصرف
زي ما الاخ زعل وغضب من كلام الاخت عن الخليجيين
كمان المغاربه يزعلوا علي بنات بلدهم وعلي بلدهم
والاهم انو السبب الاساسي
هو نحن انفسنا
سببين
الاول كسل وعدم تفكير وغرور
داير الناس تخدمك وكانك سلطان زمانك
ما داير توجع راسك بالبحث عن الافضل والارخص والاجمل
داير كل شي سهل
الشي الثاني
هو الخوف من الفضيحه اذا ما داير الناس تعرف انك بالمغرب
او ما داير يقولوا اتقبض عليه معاه طير

ياخ امشي عدل يحتار عدوك فيك
لي تجارب مع خليجيين في اثيوبيا
جزء منهم المطار الفيلا الديسكو المطار دي كل سياحتهم وبيتعرضوا لي مواقف سلبيه اكيد
وفي ناس تجي تشوف الطبيعه والبحيرات والثقافه والبلد وديل غالبا يستمتعوا وما يحصل لهم مشاكل

شي تاني حسب تجربتي
انا بشوف العرب في المطعم وفي الديسكو ومحلات المساج
وبشوف الاوربيين في مناطق التراث والطبيعه والاثار والمتاحف
وبكل اسف جزء من الخليجيين هم من جعلوا السمعه للاخرين

كدي كم خليجي زار المغرب
فيهم كم زار متحف في المغرب
فيهم كم زار ساحه الفناء مثلا
وعلي ذلك قس
حاجه تاني الناس تشكي من الغلاء
المنتجعات في المغرب
في شخص يستاجر فيها غير الخليجيين ؟

اذا ما استاجرتوا في النخيل ح يحصل شنو
مافي شخص اوربي او دول اخري يستاجر عندهم او في منتجع اخر
البتشوفوه ما جيد كلكم بي ربطه المعلم توقفوا عن التعامل معه بكره برجع ويحسن تعامله واسعاره
منو القال ليكم المغرب غاليه
ومنو القال الفلل لازم تدفع مبالغ ضخمه عشان تستاجر
والشقق نفس الشي
ياخ والله تلقي شقه في المغرب الشهر كله ما يتجاوز 3 الف درهم مغربي
وشقه علي مستوي
سوال لي اغلب البلاد فيها شارع العرب
او منطقه العرب
وهي فقط فيها الشحادين
والنصابين والفساد بكل انواعه
نحن من طبع في اذهان الاخرين اننا ناس عندنا مال كتير ونحن نبحث عن الفساد والسهر وغيره
كدي اي زول يبدا من رحلته الجايه ينزل فندق ليلتين ويبحث عن شقه في منطقه لا يرتادها العرب وشوفو بتلقوا شقق وفلل جميله ورخيصه وتستمتع اكتر


شي اخر بخصوص نقاش خليجيين ينصبون علي شغالات او سواقين
ما كل الخليجيين سئين وما كلهم ملائكه
بس ارد بسوال في مجمعات وشقق لا ياجروا للخليجي صاح ولا غلط ؟
اسالوا نفسكم لي
معليش انا اتكلمت في مواضيع كتيره
بس صراحه نحن ك عرب بنتسبب لي انفسنا في المشاكل
ومعليش ما كل السياحه عصير وطيور وسهر

بالذات المغرب جمالها في تنوع البئيه والمناخ
جمالها في التمشيه والاختلاط بالناس
المغرب في النهار اجمل الف مره من الليل
المغرب فيها اكثر من 35 مليون
الشغالين في برامج الليل كم ؟
100 الف مثلا
ما رقم عشان نحكم بيهو علي المغرب

المغرب جميل الفجر قوم واتمشي وشوف المغرب الساعه 5 او 6 صباحا والله اجمل وقت تستمتع فيه

تاني معليش كلام كتير وما مرتب بس
نحن سبب مشاكل انفسنا
نمشي صح الكل يحترمنا ويقدرنا
ولكم ودي


والدليل علا كلامك هذا المنتدى اللي مسمي نفسه مزاعيط المغرب شوف الكلام اللي داير فيه عصير وطيور استغفر الله العظيم ما كنا مسلمين وان الله انزل في كتابه آيات تتلى الى يوم القيامة بتحريم الخمر والزنا فلا حول ولا قوة الا بالله اي سياحة تغضب رب السموات مثل هذه الاعمال والمشكلة يجيونك ربعنا يقولون المغرب الحبيب !!