بداية مدة سفركم قصيرة وهي خمسة ايام فماعندكم وقت كثير للتنقل خصوصا ان المغرب كبير وفيه عدة مدن وارياف جميلة تحتاج شهرين حتى الواحد يقدر يزورها .

ارجع لموضوعك اذا خصلتوا من الرباط عندكم طنجة وماحولها مثل شفشاون -اقشور -تطوان ونواحيها مثل مارتيل والمضيق - اصيلة .

خلوا طنجة مدينة رئيسية لكم يعني تطلعون كل يوم منها وترجعون .
( 1) مثلا يوم تطلعون بدري من طنجة مع الساعة ثمانية الصباح الى شفشاون ومن شفشاون الى اقشور طبعا المسافة من طنجة لشفشاون ساعتين .ومن الشاون الى اقشور 40 دقيقة تقريبا ومن اقشور ترجعون لطنجة (( قبل ماتذهبون الى اقشور يجب ان تسالوا هي هي مفتوحة للسياح اما لا . لان فيه وقت تكون مغلقة بسبب الانهيارات الصخرية بسبب الامطار واقشور تشتهر بجمال الطبيعة وفيها قنطرة ربي والشلالات وتحتاج الى ساعات الواحد يقضيها فيها للاستمتاع بالطبيعة ))

(2)اليوم اللي بعده عندكم اصيلة قريبة من طنجة نص ساعة بس تقدرون تروحون له كم ساعة وترجعون لطنجة .

3)ايضا اليوم اللي بعده اذا حبيتوا تطلعون مارتيل وكابو نيغرو وترجعون بنفس اليوم ايضا جيد والمسافة بحدود ساعة وشوي من طنجة .

4) يوجد بالقرب من طنجة قرية بليونش وتبعد عن طنجة ساعة وربع وهي قرية صغيرة تمتاز بجمال شواطئها وهدوئها كما انها قريبة جدا من سبتة المحتلة .

5) عندكم عين لحصن منطقة مطاعم شواء قريبة من طنجة تبعد 45دقيقة اذا حبيتوا تغيرون جو وتاكلون مشاوي لحوم معتبرة هناك وعندكم عدد من المطاعم مثل مطعم النزهة وغيره.
6)ايضا مدينة القصر الصغير تبعد عن طنجة 40دقيقة .

الكاش مقبول في كل مكان اما البطاقات البنكية فهي في بعض الأماكن واذا اردتوا فتح حساب وانتوا بالمطار افتحوا حساب بوفا كاش حساب فلوسي .
يفضل تاخذون شريحة اتصالات المغرب 10قيقا بمية درهم مغربي وتاخذون معه عرض مكالمات بعشرين او ثلاثين درهم .

التنقل يفضل تستأجرون سيارة كبيرة لسبع اشخاص راح تكلفكم باليوم الواحد 71 دولار لليوم الواحد اذا كان معكم رخصة قيادة سارية وميزانيتكم تسمح واذا اردتوا سيارة مع سواق يرتفع المبلغ 15 الى20 دولار لليوم الواحد .

القطار السريع جميل ولكن عددكم كبير وتحتاجون تعملون لفة سياحة الى اكبر عدد ممكن وهذا لابد منه من سيارة تكون تحت امركم وعندكم مكتب يوسف وغيره .
ختاما جدول مقترح :
مثلا يوم 10بطنجة لعمل جولة سياحية بطنجة
يوم 11 اصيلة
يوم 12 شفشاون واقشور
يوم 13 اما بليونش او القصر الصغير او مارتيل او التوجه لمنطقة عين لحصن
يوم14 الى كازا