من الأماكن الجميلة اللتي زرتها في اكادير

فندق مبروك فيه جلسات راقيه وسط حديقة ومسبح وفيه كل الخدمات من مأكولات ومشروبات .
وبراد مائل للبرودة اكثر وينعش الجسم الله يرحم حالنا من سموم القيض هنيا الله يعطينا جوهم .

وبالليل رحت ديسكو سكاي اول مرة اروح له وكنت معزوم فيه مااعجبني ولا شي .
جلست ساعة طلبنا شيشه وخلصنا وطلعنا .
والوقت تاخر ما حبيت اروح مكان سهر اخر .
تفسحت في الكورنيش ساعة والله البراد اللي يهب من جهة المحيط استغرب من برودته في هذا الشهر من الصيف لم يتاثر من أشعة الشمس ولا رطوبة الصيف حتى استغربت اشوف ناس لابسين جاكيت شتوي .ورجعت لشقة متاخر من الليل .

كان اكثر وقتي بالنهار اتفسح بالسيارة واما المشي على الأقدام ساعة باليوم ما أزيد وإذا بغيت شي رحت أشتري من السوق . أو اطلبه ويجيبونه لي.
والشقة فيها كل شي واقضي فيها وقت طويل مااطلع الا كم ساعة وارجع مااطول .

من الملاحظات اكادير هاديه هذا الصيف ماهي مثل صيف العام مالقيت زحمة الناس بالكورنيش واغلب المحلات والمطاعم والكافيهات والخدمات في المارينا ماعليها زحمه
حتى أماكن السهر اللي رحت لها مزازيك وvip وسكاي مافيها حضور .
الناس قاضبه بيوتها مريحين ومستريحين.

زرت مكتب عقار بالمارينا اللي عند صرافة البنك الشعبي وسألته عن السكن بالمارينا قال الاستديو غرفه وصاله ب1300 درهم
الغرفتين ب2000 درهم
الفلل ماقال لي سعرها لانها كلها عامرة ومحجوزة فترة طويله .
الفنادق سالت عنها واحد تابع لمكتب لمحمد عاطي وتبين لي فيه ارتفاع بالأسعار عن العام بنسبه 20%

من حسن حظي اني حجزت من قبل رحلة طيران لطنجة لتغيير الجو عن اكادير لأني في الحقيقة شعرت بالملل والكلل .
رغم اني كنت اتفسح وأروح حدائق وأنشطة وفعاليات وأماكن حلوة وأسواق وأماكن سهر.

من المنغصات توقيت الرحلة لطنجة كان سيء في الصبح بدري الساعة 7 تكون بمطار المسيرة اكادير
وهذا الوقت أكون سهران وأسافر مانمت ويكون تعب وهذا ماكان في يوم الرحلة.
لكن مرتب كل شي في طنجة السيارة بمطار ابن بطوطه وشقة زوينه على شارع المملكة العربية السعودية في طريق المطار بطنجة.

اترككم مع هذا الجزء من التقرير واراكم على خير

__________________
ليت لي من عناء البعد راحه
يابهجة الخاطر وكثر الأمنيات