المغرب واسبانيا :) جوله لاتنسي

السلام عليكم ورحمه الله وبركاته

كداير لاباس

حبيت اشارككم بسفرتي التي كانت في 10/2 الي 29/2 وكانت عباره عن المغرب واسبانيا ومالطا بس ماكتب لنا الله الزياره لمالطا بنسلم ع عمي صاحبي يدرس هناكـ .


الرحله كانت من البدايه اكشن في اكشن واغلب اللي شافوا سفرتي الماضيه عرفوا اني اكشن السفر من تايلاند الي المغرب :) ..

المهم طلعنا الي المطار وكانت بدايه الاكشن وقصينا البوردنغ وقعدنا في المطعم ننتظر الطائره .. ونشرب ونسولف وماندري عن الوقت والمطار كله مكتض يبحثون عني وعن صاحبي هههه حتي وصل لنا سياره المطار الداخليه وشافوا تذاكر القطريه ع الطاوله وسالونا وقلنا رايحين المغرب قالوا اركبوا معنا يالله بالسياره وقعدنااا نضحك ونقول من اولها فلم الله يستر ..

https://www11.0zz0.com/2012/03/13/22/431233149.jpg

https://www10.0zz0.com/2012/03/13/22/746903813.jpg

وكل شي تمام حتي وصلنا الي اغادير الهنا والسعاده مثل ماقال ناصر الفراعنه وقعدنا في المارينا خمس ليالي واكلنا من عده مطاعم منها مطعم اسماعيل بخلف فندق صحارا ومطعم هندي ع كرنيش المارينا بس ماعجبني وماكدونالدز والباقي اكل بيت دجاج وحركات .. وانتهت الخمس ليالي

https://www11.0zz0.com/2012/03/13/22/283202937.jpg

https://www10.0zz0.com/2012/03/13/22/213914328.jpg

https://www10.0zz0.com/2012/03/13/22/594219255.jpg

https://www11.0zz0.com/2012/03/13/22/566044748.jpg

وذهبنا الي محطه الباص وركبنا ع 100 او 150 او اقل ما اذكر بالظبط وبعدها وصلنا الي مراكش علي طول سكه القطار الي رباط الحسن الحلم الذي اصبح حقيقه .. لاني لم ازورها قط بعكس اغادير حفظناها زنقه زنقه ... وسكنا عند ام فاطمه في حي اكدال ههههههه ثمان ليالي والشغاله كل يوم نطلب عشاء شكل مره طاجن ومره كبسه واكلات مغربيه لم تحضرني وتمشينا بحي اكدال الذي طالما سمعت عنه ولم اراه .. فذهبت تاره الي المارينا ومقاهيها الراقيه جدددددا وزرنا الضريح ديال الحسن الثاني ومحمد الخامس رحمهم الله .. وذهبت الي الميغا مول اكثر من مره عشان البولينغ وكانت اول مره العبها مع ان في تايلاند جلست ومالعبت والكويت ايضا بس هناك لعبتهااا ولا تسالوني ليش اول يوم كنت الاخير وثاني يوم الاول وثالث يوم الثاني ... وزرنا سويسرا المغرب ألا وهي أفران الله الله ع الثلج والجمال الرباني وكانت اول مره في حياتي المس والعب بالثلج احساس لا يوصف انصح من يزور المغرب ان لا يفوت هذي الفرصه ..

وصار لصاحبي موقف نزل الساعه 10 تقريبا بالليل يشتري معسل وفحم وشكلاته وهالحركات المهم وهو راجع مسكته الشرطه وكان عند باب العماره وقالهم انا ساكن هنا وانا كنت قايل له لاتقول وين ساكنين ابد ابد المهم قالهم رقم الشقه 5 او 6 او 4 وصعد الشرطي يدور وكنت واقف ع الدرج وماشافني لان كانت الكهرباء عطلانه ولله الحمد والمنه المهم نزلت وكلمتهم وشافوا الجواز واللي داخل الجواز ومشوا وربي ستر علينا ..



ومازالت الافلام تتوالي // طلعنا العصر للقطار عشان نروح لطنجه واخذنا التذاكر ووقفنا اما القطار .. والناس تركب وحني نشوفهم ومشي القطار وحني نشوفهم بعدين سالنا واحد قال هذا قطاركم وقعدنا نضحك وبدلوا لنا الذاكر وركبنا مع قطار الليل وصلنا طنجه وانا اناظرها وكلي امل بالبقا ولكن صاحبي قفل وقال ماتردني إلا الخزيرات (( الجزيره الخضره )) في اسبانيا وقلتله ع امرك اللي تبي لو تبي نرجع الكويت ماعندي مشكله الرباط وطلعنا منها عبر كبغيتي وركبنا العباره ب200 درهم اعتقد وكانت كبير جدا وطبعا اول مره اركبها وطلعنا الي الخزيرات الساعه 11 بالليل تقريبا وصلنا ونحن لا نعرف كلمه واحده اسبانيه وحتي الاسبان ما يتكلمون انجليزي يعني طرمان وضاق صدري بزااااااااااااااااااف واقف بالشارع اتامل واقول يارب عليك ولا علي غيرك ومادريت إلا قدامي واحد يقول السلام عليكم قلت وينك انت جابك الله والله ماهدك لو شيسون فيني قعد يضحك وقال انا تحت امركم وطبعا مغربي ووصلنا الي ملقا واخذنا فندق امام السنتر ديال القطار وجلسنا طول الليل نفكر ,, ليش جينا اسبانيا واخر شي كل واحد نام وماعرف السبب وصحينا الساعه 12 الظهر وصحيت صاحبي وهو في غرقه النوم وقال نعم شتبي قلتله باسبانيا ونايم قعد يضحك وقال انت مجنون يالله يالله بدل وطبعا معانا كيك ساده وحركات وعصير وحليب من طنجه عشان مانموت من الجوع p: ونزلنا ركبنا باص مدري وين رايح ومنين جاي وحنا مانعرف شي ابد ابد ووقف عند مكان ونزلنا ونمشي فجأه الا وامامنا ملعب ملقا ضحكت قلت ورانا ورانا بس الحين نبي نرجع وضيعنا السكن ولا نعرف شي شفنا باص وركبا وورينا راعي الباص سنتر سكه القطار قال مو هالباص باص رقم كذا .. طبعاً مافهمنا الكلام بس كتب بورقه رقم الباص وفهمنا المهم نزلنا وانتظرنا الباص الثاني لين وصل وركبنا معاه واول ما وصلنا الفندق قلت والله ما انام اليوم الا بغرناطه قال تم ونزلنا ندور باصات النقل راقيه وجميله وطبعا ربك ارسل مغربي يسنعنا


ووصلنا غرناطه .. عاصمه الاندلس (( الجنه الضائعه )) وتمشينا فـ قصر الحمراء ((وبظبطك بالصور))ليلتي في ربوع غرناطه لا تنسي مدي العمر وقلت لصاحبي الحل ؟ شنسوي قال ربك يدزلنا مغربي يسنعنا وصار اللي قاله وركبا *****ان الداخلي الي برشلونه الحلم الذي تحقق وسكنا في اشهر شارع اسمه لارامبلا اعتقد .. ونعسني وصحينا ع طول للملعب جوله بالكامب نو والمتحف والسوق واحني راجعين اخذنا الشناط الي مدريد !! بالطائره ووصلنا وسكنا بفندق مدري شسمه وكنت متحامل ع نفسي عشان صاحبي لانها مديمه ممله بصراحه .. وبرشلونه ومدريد بحال بحال // تمشينا بالسنتياغو برنابيو والمتحف والسوق والي المطار طبعا برشلونه ومدريد كل مدينه اقل من يوم :) وانا بالمطار بسحب فلوس عشان نحجز لمالطا وتعتذر الماكينه وفعلا كان الرصيد مايقارب 200 يورو اخذتها وصاحبي سحب وطرنا ع القطريه الي الكويت :)

وطبعا اخر مره انزل في مدريد وبرشلونه مع اني من عشاق البلوغرانا لكن هذي هي حقيقه وان كتب الله تعالي لي العمر وزرت اسبانيا لان ازور ألا المدن الاندلسيه مثل غرناطه واشبيليه وقرطبه وغيرها..


وشفت شي غريب في اسبانيا:-


1_ النساء يدخن اكثر من الرجال.
2_الشعب الاندلسي اجتماعي اكثر وحبوب وخدوم.
3_برشلونه فقيره جداً وكل مكان شحاذين.
4_مدريد غنيه الا درجه اني ماشفت اي فون في برشلونه الا انا وصاحبي ومدريد شفتهم بالمطارات مع الشباب والشابات .
5_لا تنتظر مساعده من احد في برشلونه ومدري .


وفالختام اشكرا الله تعالى


ومن ثم اشكركم ع تحملي واتمني ان تكون رحلتي اعجبتكم ولكم جزيل الشكر ولله الحمد والمنه اولاً واخراً


وبين فتره وفتره ستكون الصور وارده بأذن الله تعالى
بسبب ضعف النت دابا : (89):

__________________
اضــــغط هنــــــــا وبتهيض :)

منور يا يا خالي

الحمد الله على السلامه ورحه قمه في الفهاااوه قدام القطار و تناظرونه ويروح ههههههههه

اهم شي تغيير الجو والوناسه والله يسعدكـ انت وخوبكـ ...


محبكـ


تش تش

الحمد لله ع السلامه اخوي وسرد سريع وجميل للأحداث كنا نتمنى تفاصيل أكثر كي استفيد أنا وجميع الاعضاء بالمنتدى والف شكر لك وتحياتي

الحمد لله عالسلامه .. بقوس

تقرير جميل ومرتب .. ممنونك عيني ..

تحياتي لك

https://rooosana.ps/upme_uploads/07112011084456@0.gif

__________________
الله لا اله الا انت سبحانك استغفرك و اتوب اليك

تقرير جميل وسريع ويعطيك ربي الصحه

الحمد لله ع السلامـه

وحلوه القدحه والاكتشاف

ننتظر كل مافي جعبتك

الحمد لله ع السلامـه

تسلم والله كلامك كله صح في صح واذا تبي الصدق بقولك استمتعت بالمغرب وغرناطه فقط لاغير
اولا كنا مخططين نجلس في المغرب اسبوع فقط واسبوعين في اسبانيا وتخطيط ممتاز ومرتبينها بس انت ادري اول ما كملنا الاسبوع الاول قلت لصاحبي ابي اجلس اسبوع ثاني ضحك قال تم وضاعت الخطه والنفسيه تعبت وماعاد لي نفس بالروحه بس اوعد اسوي موضوع واتكلم في بكل صغيره وكبيره عشان الفايده والله انك صادق

ورحم الله اهداء إلي عيوبي ^-*
بعيد التقرير بالتفصيل الممل وعلي عده مراحل وكل صغيره وكبيره واتمني من المشرفين غلق هذا الموضوع عشان اكتب الجديد

__________________
اضــــغط هنــــــــا وبتهيض :)

بقوس تقريرك توب تووب روعة ما ينخاد عليك تكفى والله عجبني سريع وطريف بس خربتها في شيء وااحد يلعنبو ابليسك خخخخخخ تقول البرصويين فقراء جدااا والريال اغنياء جدااا وانا بعد برصواوي للموت ما اسمح لك كتلونيا اغنى المدن في اسبانيل ولو تستقل تصير اقوى من اسبانيا وسلماتي عليك