عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


إضافة رد
 الصورة الرمزية النادر
مزعوط ذهبي
المشاركات: 1,257
تاريخ التسجيل: Jan 2012
النادر غير متواجد حالياً  
قديم 2012-03-18, 11:33 PM
  المشاركه #1
قصيدة غزل نهايتها زعل

قصيدة رائعة عن الغزل


البارحة جاني مـن الحـب مرسـال .....من عقب ما بينـي وبينـه خصيمـة
وانا ترى في الحـب مانيـب فعّـال .....ولا بعـد ولّـع بقلبـي هشيـمـه
ولا بعد غنّيت فـي ساعـة وصـال ......ولا بعد ذقـت الفـراق وجحيمـه
ولا جرى دمعي على الخـد همّـال .....ولابعـد جربـت مــرّ الهزيـمـة
حتى وردنـي تالـي الليـل جـوال .....وانا على شاهي وبسكـوت ديمـة
الرقم بايخ لكـن الصـوت قتـال .....كنه مثل صـوت المذيعـة حليمـة
قالت مساء الخير يـا طيّـب الفـال.....قلـت ارحبـي ترحيبـةٍ مستديمـة
بالعود والصفـري ودلـة وفنجـال .....واجبك يا بنت الأصـول الكريمـة
ردت بضحكة ثم قالت وش الحـال؟.....قلت اشهد إن الحال عقبك سقيمـة
قالت وهي تضحك بعد مثل الأطفال.....وانـا بعـد كنـي بدونـك يتيمـة
من يـوم قالتهـا تزلزلـت زلـزال.....من فجعتي كنـي مسـوي جريمـة
قلت ارفعي صوتك ترى مابه ارسال.....كـذاب لكـنّ المصيبـة عظيمـة
قالت أقول اسمع ترى هرجنـا طـال.....ممكـن تصاحبنـي ترانـي وسيمـة
واسمي الحقيقي أول حروفـه الـدال.....لكـن يسمّونـي البنـات الزعيمـة
صحيح أحب الفخفخة واعشق المال.....لكـن ترانـي طاهـرة مستقيـمـة
ما عندي امغازل ولا (لعب يهّـال).....ما عندي إلا في الشرف والحشيمـة
بس الصراحة قلبي لشوفتـك مـال.....واصبحت وحدك جالسٍ في صميمه
فكّر بعقلك واترك القيـل والقـال.....واحذر تطيع اهل العقـول العقيمـة
وارسل علي الحين خمسميـة ريـال.....أشحن بهـا جـوال أختـي غنيمـة
أو طقم غالي فيه خاتـم وسلسـال.....أروح بـه فـي عـرس ولاّ عزيمـة

قلت الحقيقة مانيب رجـل أعمـال.....ولانـي بتاجـر والمـوارد عديمـة
أنا الصراحة شبـه عطّـال بطّـال.....وعلاقتـي بالفقـر جـداً حميـمـة
والراتب الله يرحم الحـال مـا زال.....محـدود والمصـروف ربـي عليمـه
والدين بـالآلاف والبنـك شغّـال .....ياكـل فلوسـي بالربـا والظليمـة
والسوق طايح والغلا ضيّـق البـال.....والموت والله صايـر اكبـر غنيمـة
قالت تحمّل بـس والحمـل ينشـال.....خلك شديد الباس صلـب العزيمـة
ياخي تصرّف جعلك اتصيـر نشّـال.....أهـم شـي إن النوايـا سليـمـة
لابد تفهمني علـى كـل الأحـوال.....ما دمت من أهل العقـول الفهيمـة
قلت إيه والله فاهم اللي على البـال.....لكن تـرى هـذي علينـا قديمـة

يا بنت هـذا صايـر اليـوم مـوال.....للي تبي تلعب علـى ابـن اللئيمـة
يا بنت ما تدرين كـم فيـه محتـال.....يلعب على الحبلين وانتـي غشيمـة
يا بنت كم من جاهلة دمعها سـال.....من عقب ما جات العواقب وخيمـة
والبنت لا اقفى عرضها بيد الأنـذال.....والله مـا يبقـى لهـا أي قيـمـة
قالت تبي ولاّ فخلّك علـى جـال.....مهوب ناقصـني نصايـح حكيمـة
عز الله إنك للأسف منـت رجّـال.....وانك قليل الذوق ما فيـك شيمـة
يا لعنبو اللي مـا يسطّـرك بنعـال.....حتـى يعلمـك الغـزل يـا بهيمـة

( تفو ) عليك وصكّت الخط في الحال.....مدري ( تفو ) هي مدح ولاّ شتيمـة



مـ نـ قـ ـول
رد مع اقتباس
مزعوط فضي
المشاركات: 808
تاريخ التسجيل: Apr 2011
ابن مراكش غير متواجد حالياً  
قديم 2012-03-19, 11:16 PM
  المشاركه #2
رد: قصيدة غزل نهايتها زعل

صح الله السانك ينادر

قصيده وافيه من وافي لاعدمناه
__________________

Content on this page requires a newer version of Adobe Flash Player.

Get Adobe Flash player

رد مع اقتباس
 الصورة الرمزية النادر
مزعوط ذهبي
المشاركات: 1,257
تاريخ التسجيل: Jan 2012
النادر غير متواجد حالياً  
قديم 2012-03-19, 11:40 PM
  المشاركه #3
رد: قصيدة غزل نهايتها زعل

اقتباس:
المشاركة الأصلية كتبت بواسطة ابن مراكش مشاهدة المشاركة
صح الله السانك ينادر

قصيده وافيه من وافي لاعدمناه

صح بدنك اخوي ابن مراكش

لا عدمناك ولا عدمنا مرورك
__________________
رد مع اقتباس
مزعوط مميز
المشاركات: 479
تاريخ التسجيل: Jan 2012
الدولة: المنطقه الشرقيه
ابو تركي 2012 غير متواجد حالياً  
قديم 2012-04-12, 04:51 AM
  المشاركه #4
رد: قصيدة غزل نهايتها زعل

** صح لسانك **

* قمه / قمه = مبدع *
__________________
http://www.mza3et.com/image.php?type=sigpic&userid=5445&dateline=1328572  029
رد مع اقتباس
إضافة رد

الكلمات الدلالية (Tags)
زعل, غزل, قصيدة, نهايتها


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة مبتديْ gaabaal قسم السفر والسياحه في اغادير 23 2012-11-06 03:29 AM
قصه صعب تتخيل نهايتها bnfll الاستراحه 5 2012-01-10 07:44 AM
قصيدة عن المغرب عزوز الجبيل الاستراحه 7 2011-12-21 12:21 AM
قصيدة الشمعة الوهج ٢ الاستراحه 6 2011-06-03 02:09 AM
قصيدة وااااااعره عاشق خيال الاستراحه 9 2011-03-24 12:57 PM


الساعة الآن 04:30 AM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81