عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


إضافة رد
 الصورة الرمزية غصون آلورد

المشاركات: 4,481
تاريخ التسجيل: Dec 2011
غصون آلورد غير متواجد حالياً  
قديم 2012-03-26, 03:17 AM
  المشاركه #1
محاوره ناريه بين عود وعجوزه

اليكم قصة هالشايب هو ومعزبته التي امضت عمرها معه وفي يوم من الايام اخبرها بأنه بيتزوج عليها فقامت قيامتها وسوت لها بيتين في هاذا الشايب تريد تعلمه ان الامر صعب وتبين له بعض العقبات اللي بتقابله وان رفيقته الاولى هي التي قابله منه الميسور ورايح تتغير عليه الأمور

فقالت :
جملنا جملنا باركن له ثلاث سنين وهو ليا جبنا له الحمل ما شله
ماغير القتب والمزوده وسطها مدين وهو بارك عجزان عن شيلها لله
واذا اليوم جبتوا حملتن وزنها طنين واذا الحمل يالاجواد ماهو بقد اله
جيته وقلت بالهون يامسكين هاذا الحمل يبغى له جمال تجهم له
ماهوب انت ياللي جايب فيدك من الصين انا اللي اعرفك زين يابارد الدله
.................................................. .................................................. ......................

فرد الشايب :

جملكم ماهو مسكين ياجعلك السكين جملكم يبي ينقل زهاب العرب كله
وهو اللي ينفع العرب في الزمان الشين لكن الجمل في تاليه طاح في عله
وقع في رحوم طول سيقانها مترين صخاف الجنوب ضلوعها كنها هله
وحتى الجمل من شوفها صار حاله شين وهي السبب في طيحته جعلها العله
لها ذيل اجرد وعمرها من ورى السبعين وعزالله انها تمرض القلب وتعله
لكن جيبوا للجمل بكرة عمرها عشرين وتشوف الجمل يعطي كل شي على حله
اليا عاين الحمرا الردوم اشتغلها زين وخله بعيد من ام شاصين منحله
اذا الله عطانا عمر وانتم من الحيين تشوف الجمل لو حملوه طويق يشتله
.................................................. .................................................. .......................




وهذه قصة ثانيه بين شايب وزوجته وكان عمره تسعه وثمانين سنه وهددها انه يبي يتزوج عليها وحده او ثنتين ويوم جاء بعد سنه قال انا صامل ها الحين ابي اعرس وقالت زوجته هاذي الابيات :
.................................................. .................................................. ......................
العام تبي لك من البيض ثنتين ايضا وتبغي لك عليهن زياده
ومثلك اليا منه وصل عام تسعين يروح مخه مثل مخ الجراده
لا قاضي حاجه ولا وافي الدين حتى ايش لو عطرت فرش الوساده
والله ما الوم العود مير الكبر شين العود جته خلته من زناده
ياما ثنى عمره خلاف المقفين لا نشب خطوى الردى في شداده
واليوم لو نوزيه في محجر العين نمشي على ممشاه واتبعه مراده
ياجاحدات بحقهم فالكم شين ميعادكم يوم الحشر والشهاده
لابد من يوم فراق المحبين اما غضر عوده دناله حصاده
.................................................. .................................................. ....................


فرد الشايب :

تكفين يابنت الاجاويد تكفين حطي الفراش هناك مامن بعاده
ابا اتبعد عنك ليله ويومين لو انها مهيب للعود عاده
شيبك قرح واستكبرته الشياطين شيطانتن تركض ومعكن قراده
انتي سوات البندق ام روحين تقذف ذخايرها وزان الرماده
عدل الحفز سوأ سوات ام ظرفين راحت تبا تكسب وجات بنقاده
رد مع اقتباس
 الصورة الرمزية Dr-keef
مزعوط مميز
المشاركات: 269
تاريخ التسجيل: Mar 2012
الدولة: السعودية
إرسال رسالة عبر MSN إلى Dr-keef
Dr-keef غير متواجد حالياً  
قديم 2012-03-26, 04:07 AM
  المشاركه #2
رد: محاوره ناريه بين عود وعجوزه

هههههههههههههههه



طيب فهمتي ايش يقصدون
رد مع اقتباس
 الصورة الرمزية غصون آلورد

المشاركات: 4,481
تاريخ التسجيل: Dec 2011
غصون آلورد غير متواجد حالياً  
قديم 2012-03-26, 04:13 AM
  المشاركه #3
رد: محاوره ناريه بين عود وعجوزه



افااااااا ماهقيتها منك

لو ماني بفااهمة شي ما بحط لا القصه ولا القصيد

لا والله: (438):



مشكوور على مروورك خيو
رد مع اقتباس
مسطي سعودي
المشاركات: 351
تاريخ التسجيل: Jan 2012
الدولة: مملكة الإنسانية (الخبر)
العمر: 39
إرسال رسالة عبر MSN إلى ولووودي المزيان إرسال رسالة عبر Skype إلى ولووودي المزيان
ولووودي المزيان غير متواجد حالياً  
قديم 2012-03-26, 12:51 PM
  المشاركه #4
رد: محاوره ناريه بين عود وعجوزه

تسلمي يا غصون
الله يحفظك
وانا بعد حاولت أفهم أظن أني فهمت شوي: (780):
يسلمو
تحياتي
ولـــيد
__________________
محبكم ولووودي المزيان

رد مع اقتباس
إضافة رد

الكلمات الدلالية (Tags)
بين, عود, محاوره, ناريه, وعجوزه


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:45 PM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81