تكاليف السفر الى المغرب

سفرتك لحالك كلمت عليك 85 الف درهم مغربي ب17يوم ههههه غريب انا اجلس شهر مامل تكلف علي 45 الف درهم شامل بسكن والمعيشه والسياره وتمشيه وسهره بالشقه ومل شي فبالك

والله السالفه بختصار تعتمدانت بيلعب عليك ولا لا اذا ايه من 1500 ريال في اليوم وطالع على حسب الي بيطقطقون عليك ولا راح تنبسط بل والله العكس راح تكون ندمان ومغبون ولو كنت الراجحي حتى بعد رجوعك لفتره طويله اما اذا كان ماراح احد يطقطق عليك وراح تعيش احلى عيشة وانت مبسوط التكلفه من 700 ريال الى 1500 في افضل الاماكن وارقاها يعني ممكن مثلا تسهر في الزباله الياسمين ويطقطق عليك البناني تدفع انت بوحدك مع مجموعه شباب تقريبا 1000 ريال للواحد وتطلع مغبون وممكن تسهر في افخم مكان ومايكلفك هذه المبلغ وسلامتكم

حكيم ياخالد

اما ٧٠٠ ريال وين رايح ياالحبيب
انت مسافر تبغى تأخذ راحتك وبااتزان مو رايح بس انك سافرت المغرب انا اقول٢٠٠٠ الى ٢٥٠٠ ريال هذا المعقول حتى تحس انك مسافر زي الناس

اسمحلي برد عليك اخوي من خلال تجربه شخصيه؛لو قلت لك اني مسافر وحداني
سكن بشقه صغيره٥٠٠دره
سياره رونو ٣٠٠درهم
معيشه وتمشيه٧٠٠درهم
يعني مو بالضروره سهر يومي واستقبال ضيوف بشكل يومي،فيه ناس كثير يجمعون بين التمشيه والاستكشاف ويكون لهم ايام للسهر وخلافه.
الخلاصه جوك سهر وفله متوسط صرفك اليومي بحدود ١٥٠٠
والله تمشيه واستكشاف راح تكفيك ال٧٠٠وربما تزيد..
سهرتك بشقتك ولا انت راعي طلعات كثير بين٨٠٠الى١٠٠٠ريال
وتحياتي

وين ب٥٠٠ درهم شقه وين
هذي مو شقه ولامكان للراحه
النفسيه هذا مكان يحسسك
بالإحباط السكن اهم شي عندي
كمان ماذكرت بنزين السياره
وكمان الضيوف والسهر
وإذا مافيه سهر الضيوف
حاب تطلع مكان انت والضيف
وتأخذ راحتك للاستجمام
والا كافي والا تطلع انت
والضيف مكان رائق والا
مكان شيشه
لانضحك ع أنفسنا بصراحه انا أخالفك الرأي وبشده

انا اشوف ٢٠٠٠ ريال لليوم معقوله

عزيزي هذي اجواء وكل له طقوسه بالسفر بالرباط (بحي الرياض) معدل صرفي اليومي٣٠٠٠ريال وتزيد ،لأنك تصرف على عشرين شخص باالفله وسلامة فهمك.
وبنفس السفره بالرباط اخذنا شقه باكدال انا وخويي وسهرتنا بالشقه تقريبا١٠٠٠ريال(شوف الفرق كيف واحنا بنفس المدينه )والكلام ذا مايخفى على احد جرب السكن بالرباط.
باغادير اذا سكنت بفندق ادري ان معدل صرفك بين١٥٠٠و٢٠٠٠
بمراكش ١٥٠٠كافيه
الاختلاف طبيعي واحنا نتكلم عن المتوسط فقط.
والسلام ختام

نستفيد منك انا تجربتي كانت في مراكش معدل ٢٠٠٠ ريال يوميا

تسلم حبيبي..وكلنا نكمل بعض في هالمنتدى ونستفيد من تجارب بعض..
فالمغرب قصه لاتنتهي.