عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


تقرير عن سفرتنا لدار البيضاء ( كازا بلنكا )

موضوع مغلق
يوسف
مزعوط مبتدء
المشاركات: 35
تاريخ التسجيل: Mar 2011
يوسف غير متواجد حالياً  
قديم 2011-05-03, 07:42 PM
  المشاركه #1
تقرير عن سفرتنا لدار البيضاء ( كازا بلنكا )


حبيت اشارك الشباب بهذا التقرير عن سفرتنا





هذي الرحله لاثنين رايحين للمغرب على عماها وسامعين عن المغرب انها بلد فله ووناسه خبركم حنا نحب الوناسه والفله العاده اتكلم عن نفسي رحلتى يومين خارج السعوديه تطلع روحي واطفش وارجع .
المهم قررنا نسافر المغرب انا والذيب الى معي وقررنا في شهر مارس بسبب شهر مارس في المغرب على قول بعض الى زارها حلو جدا الهواء عليل وخروج فصل الشتاء وبدايه فصل الربيع قلنا يا الذيب احجز .

المهم دور حجز ما لقينا الا على الخطوط المصريه ترنزيت من الرياض القاهره المغرب رحله من الساعه 12 الظهر حتى الساعه 10 مساء بتوقيت كازا .

ركبنا الطياره وصلنا لمطار القاهره الجديد ونزلنا السوق الحره وتقضينا منها ما لذ وطاب شرينا ما نتحتاجه من السوق الحره وجالسين ننتظر الطايره تقريبا اربع ساعات طويله ممله نبي نركب الطايره ونوصل لكازا .

المهم قرب موعد الاقلاع ودخول الركاب وقصينا البوردنغ وعند الدخول لركوب الطايره خويي يدور البوردنغ حقه ما لقاه ههههه يدور يمين شمال ما في والسكورتى حق الطايره يقول ما يركب لين يجيب البوردنق انواع التوهيقه المهم سوينا صجه ولجه لين جاء المشرف وخذ وهات وهات وخذ شكلهم يبون شي حنا تكرنا ما فيه شي والا تطلعونا راجعو سجلاتكم المهم اخر شي بحثو في الكمبوتر وجدو اسم خووي وطابقوه على جواز السفر وركبنا .

صارت النفسيه زفت من المعامله والى زادها الطايره صغيره ومليانه ركاب والمقاعد صغيره يالليل الخطوط ذي وش حدنا عليها . هذا الكلام يدور في عقولنا اذا هذا اولها تعب وش عاد نرجي المهم من النحاسه رقدنا . وتروح الساعات تقريبا خمس ساعات من مصر حتى كازا .

الطايره انواع الازعاج ناس رايحه ناس جايه اه يالخطوط السعوديه انواع الانضباط بس وش نقول عاد تورطنا وكانت اقرب رحله لزعطه .

قرب موعد الوصول لكازا اشاره الحزام ولعت البشر الى مسوين صجه رايحين جاييين جلسو على مقاعدهم هدت اصوات من في الطايره تنزل الطايره نفتح ستاره شباك الطايره ليل بس تشوف خضار قليل . اخيرا حطت الطايره وصلنا مطار محمد الخامس .

بعد ما نزلنا من الطايره تغير المزاج سبحان الله هواء يفتح النفس ما اعرف احد قبلي او اتوهم الهواء معطر في كازا ريحه الهواء في هذا الشهر معطره . نزلنا نمشي في ممرات المطار ندور مكان ندخن فيه لقي صاحبي عسكري يساله التدخين ممنوع قال لا عادي ههههههههه يبغي يوهقه المهم دخنا وشوي الى جاء العسكري يقول ليه تدخنو ههههه قلنا ايه هذي اولها المهم طنشناه وما عطيناه وجه .

حنا داخلين المغرب مرسمين شمغ وثياب كل الى في المطار يطالعون وصلنا الجوزات وشوي الا نط علينا واحد مدري من وين جاء مرحبا قل جوزاتكم والناس صافين قال هات جوزاتكم دقيقتن وانتو طالعين نطالع في بعض نعطيه او ما نعطيه شفنا الدور طويل قلنا عطه . جالسين مرتزين والناس صافه شوي الا الجوزات مختمه وعطيناه فلوس سعوديه عشرين ريال ما صرنفنا بعد . وحنا طالعين واناس صافه احسهم حاقدين قلنا في خاطرنا نفع الثوب هنا ههههه

نزلنا تحت بدري حتى الشنط باقي ما جت على السير واشوي الا ناط علينا واحد لاحول وش يبى ذا يتكلم مغربي قلنا وش تبغي قال اطلع شناطكم بسرعه قلنا ايه بس الحين قال ثواني وعطينا ارقام اشناط شوي والا الشنط عندنا مدري وين راح وين دخل وطلعها .

فرجت اخيرا بندخل كازا هذا الشعور وانواع الابتسامات بعد العناء في الطايره والست ساعات الماضيه بدت الابتسامه ترسم على المحياء من الضحكه والانبساط والهواء الى يفتح النفس .

خرجنا من المطار واقرب تكسي القميه 300 درهم لنص البلد ذاك المرسيدس الابيض موديل قبل التاريخ بس المهم يوصلنا


نكمل مره قادمه الدخول لكازا الساعه العاشره والنص والتوجه للفندق .
saadora
مزعوط خبير
المشاركات: 6,206
تاريخ التسجيل: Dec 2010
الدولة: الجبيل
saadora غير متواجد حالياً  
قديم 2011-05-03, 07:45 PM
  المشاركه #2
رد: تقرير عن سفرتنا لدار البيضاء ( كازا بلنكا )

واصل وحن نسمع
الغدير
مزعوط نشيط
المشاركات: 51
تاريخ التسجيل: May 2011
الغدير غير متواجد حالياً  
قديم 2011-05-03, 07:59 PM
  المشاركه #3
رد: تقرير عن سفرتنا لدار البيضاء ( كازا بلنكا )

الحمد الله على السلامة


واضح ان البدايه حلووووووهـ

بس لو الله فاككم من رحلة الخطوط المصرية


واصلــ واصلــ
qaise1968
مزعوط مميز
المشاركات: 275
تاريخ التسجيل: Dec 2010
qaise1968 غير متواجد حالياً  
قديم 2011-05-03, 08:36 PM
  المشاركه #4
رد: تقرير عن سفرتنا لدار البيضاء ( كازا بلنكا )

هلا والله فيكم والزعطه العجيبه بس ترى صراحتا ماشالله عليكم بثوب وغتره يعنى فالينها من اولها انشالله اتكونون ارتحتو واستانستو
ومتابعين معاك
بوقوس الشرق الاوسط
مزعوط نشيط
المشاركات: 130
تاريخ التسجيل: Mar 2011
الدولة: الامارات - نيويورك
بوقوس الشرق الاوسط غير متواجد حالياً  
قديم 2011-05-03, 08:56 PM
  المشاركه #5
رد: تقرير عن سفرتنا لدار البيضاء ( كازا بلنكا )

متاااابعين لك يالغالي
__________________
تقرير عن سفرتنا لدار البيضاء ( كازا بلنكا )

الله يرحمك يا زايد

غيــر موجود لفتــرة .. اعذروني ..
vette
مزعوط نشيط
المشاركات: 73
تاريخ التسجيل: Jan 2011
vette غير متواجد حالياً  
قديم 2011-05-03, 10:11 PM
  المشاركه #6
رد: تقرير عن سفرتنا لدار البيضاء ( كازا بلنكا )

سجلني متابع


تحياتي لك
مزعوط بذوق
مزعوط قدير
المشاركات: 178
تاريخ التسجيل: Feb 2011
الدولة: في قلب الكبيده
مزعوط بذوق غير متواجد حالياً  
قديم 2011-05-03, 10:13 PM
  المشاركه #7
رد: تقرير عن سفرتنا لدار البيضاء ( كازا بلنكا )


واصل يامبدع نحن بانتظارك
مهاجر999
مزعوط خبير
المشاركات: 3,711
تاريخ التسجيل: May 2011
الدولة: الدمام
مهاجر999 غير متواجد حالياً  
قديم 2011-05-03, 10:21 PM
  المشاركه #8
رد: تقرير عن سفرتنا لدار البيضاء ( كازا بلنكا )

الحمد الله على السلامة
__________________
الزائر
مزعوط فضي
المشاركات: 776
تاريخ التسجيل: Sep 2010
الدولة: مسقط الابية
الزائر غير متواجد حالياً  
قديم 2011-05-03, 10:45 PM
  المشاركه #9
رد: تقرير عن سفرتنا لدار البيضاء ( كازا بلنكا )

: (610):
__________________
سبحان الله العظيم وبحمده
faho0od
مزعوط نشيط
المشاركات: 128
تاريخ التسجيل: Apr 2011
الدولة: الرياض
faho0od غير متواجد حالياً  
قديم 2011-05-04, 05:15 AM
  المشاركه #10
رد: تقرير عن سفرتنا لدار البيضاء ( كازا بلنكا )

الحمد لله عالسلامه
بس اعجبني الثوب والشماغ ههههه هذا وانتوا في المطار وانواع المطامر عاد كيف باقي السفره
واصل وسجلني متابع
تحياتي لك
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: تقرير عن سفرتنا لدار البيضاء ( كازا بلنكا )
الموضوع آخر مشاركة
تقرير رحلتي الي الدار البيضاء مده اسبوع ابريل ٢٠١٨ 2022-02-26 06:56 PM
مسافر لدار البيضاء عن طريق طيران مصر 2021-09-18 04:57 PM
تقرير سفرتنا إلى المغرب ... 2013-10-04 09:33 PM
تقرير سفرتنا إلى المغرب 2011 (( اللمّبي & العربي باطمة & مصطي & بوقوس))..3000 صورة!!! 2013-09-14 01:10 PM
تعالوا معي الى حيث المتعة في جولة استطلاعية لدار البيضاء ! كازا الحب 2011-05-27 11:16 AM


الساعة الآن 10:09 AM