|
زوار مراكش وينكم
ابي مساعد من زوار مراكش انا مافهمت النخيل هاذي شلون في اثاث زين واثاث مو زين وشو قاردن هل اهو تبع النخيل ابي واحد يشرح لي بتفصيل الممل مافهمت انا ابي اثاث فخم ونظيف حق شخصين وهل اهي امان ومافيه خوف وهل المواصلات قريبه اذا بغينا تكسي وهل في مقاهي قريبه تكفون ابي حد يشرح الي النخيل عجزت افهم
|
رد: زوار مراكش وينكم
النخيل
عباره عن منطفه فيها نخيل كثير سموها النخيل و هي تقع في نهاية مراكش وانت طالع لي كازا و المنطقة هذي كلها منتجعات سكنيه و فلل خاصه و من اشهر المنتجعات هذي اللي هو منتجع النخيل التابع لمكتب الدرقاوي و ايضا فيه منتجعات غيره اللي هي البيلميري فيلج و جنه النخيل و الثلاث منتجعات هذي متجاورة اما بقيه المنتجعات اللي حواليه مثل ريفر بالم فهو بعيد عنها ايضا في المنطقة فيه فلل خاصه و كل ما اتجهت على طريق فاس تلاقي فلل اما منتجع القاردن سيتي فهو عباره عن مجمع فلل و اقل فله فيه 3 غرف و مافيه شقق وماهو حول النخيل اصلن وسواء سكنت في النخيل او في القاردن سيتي او اي منتجع من يوم تسمع كلمة ( منتجع) اعرف انه على اطراف مراكش وماهو حول وسط البلد يعني اعمل حسابك على سائق او سيارة اجار و اذا كنت تبحث عن شقق فبتلاقيها بكثره في قليز و شارع علال الفاسي و عبد الكريم الخطابي بتلاقي فيها الاقامات و الشقق بكثره و من اشهرها بابليون و ميرماس و ايضا مراكش بلازا ولكنبالنسبه لي بلازا وضعها اصبح مشبوه و ايضا ارتفاع سعرها بسبب طمع ملاك الشقق فيها و استغلالهم لي اي خليجي بالتحديد مقدر اقولك ان كل الفلل في النخيل ماهي فخمه ولا اقدر اقولك ان كلها فخمه فكل فيلا تختلف 180 درجه عن الثانية و ايضا متفاوته في الاسعار وايضا كذالك القاردن سيتي يعني لو رحت تحجز في الدرقاوي حاول انه يوريك اكثر من فيلا عشان تختار الانسب لك اتصل على الرقم اللي في الاعلان بخصوص فلل مراكش في اعلى المنتدى و ان شاء الله تجد عنده فلل 5 نجوم بس كل شئ بسعره بالنسبه للمقاهي اشهر مقهى و افضل مقهى بالنسبه لي و احب شيشته و جوه هو مقهى الديون في شارع مولاي رشيد و من بعدها المقاهي اللي في قليز بس مليان مقاهي تحياتي |
رد: زوار مراكش وينكم
مشكور اخوي ماقصرت يعني كل فله تختلف عن الثانيه طيب تحملني اخوي شوي يعني النخيل غير وقاردن ستي غير يعني مو جنب بعض طيب اخوي الحين كم سعر فله الفخمه كم تقريبا سعرها شنو تنصحني فيه يعني لو مكاني انت وين بتسكن
|
رد: زوار مراكش وينكم
حبيبي مادامكم ثنين شوفولكم شقق عند قليز احسن كل شي حولك وحواليك في المنتجعات ماتشوف الى وجيه السواح خلك بوسطن المدينه ودورلك شقه زوينه الفله تصلح للقروب ونتم ثنين اشوف المنتجعات ماتناسبكم وبعدين لما تسكن في وسط المدينة بتوفر ع نفسك واجد وتستانس من الشقه ع طول للمناطق الحيويه
|
رد: زوار مراكش وينكم
بس اخاف مو امان ابي شي امان انا عادي ادفع زياده بس يكون مافيه خوف
|
رد: زوار مراكش وينكم
لو مكانك و ابي فله ما راح اسكن في منتجع غير النخيل لانه موقعه قريب من اماكن السهر وناسه و النرجس و الياسمين كلها حوله
الا اذا كان فل راح اسكن في القاردن سيتي او فيلا خاصه اعرف وضعها مضبوط لكن لو ابي اسكن في شقه ما راح اسكن في المنتجعات لان الشقق برى برخص التراب و على المزاج و راحه بال الفلل الي عليها الكلام احسب لكل غرفه الف درهم يعني ثلاث غرف ب 3000 الف درهم 4 بي 4 الف درهم وهكذا اما مشي حالك بتلاقي 3 غرف ب 2500 درهم او 4 غرف ب 2700 درهم على حسب وايضا الفلل الفخمه في بعضها توصل لي ارقام فلكيه ولكن كل واحد ياخذ على قده و اغلب الفلل خمسه نجوم في مراكش فلل خاصه يعني خارج المنتجعات لها سور و بوابه خاصه لان في فلل مو مجرد فيلا تلقى في نفس الفيلا ديسكو + جاكوزي + مسبح +و اي شئ تتخيله لكن كل شئ بسعره يا الغالي و لو نجلس نتكلم عن فلل مراكش فقط يبيلنا يوم كامل و احنا نتكلم يعني ابحث عن الفيلا اللي تناسبك و بتلاقي فلل حلوه 3 غرف و نظيفه و مجهزه بكل شئ ابتداء من 2600 درهم الى 3500 درهم على ( حسب ) وكاسر وخلك شاطر |
رد: زوار مراكش وينكم
بيض الله وجهك مصطي الله لا يهينك اخوي جعلك ذخر لنا في المغرب وغير المغرب ههههه
|
رد: زوار مراكش وينكم
حياك الله يا غالي معنا
واعتذر عن التأخير بالرد القهوة يا ولد يا هلا يا هلا طويل العمر النخيل منتجع فيه فلل وفيه شقق وهو على طريق كازا اما الجاردن سيتي هو مجمع سكن فلل فقط على طريق فاس بالنسبة للأسعار مختلفة والاسباب معروفة للجميع اثاث الفيلا وفخامتها ونظافتها القاردن سيتي ارخص من فيلل النخيل الدرقاوي واسعار الفلل في الجاردن تبدأ من 1800 الى غاية 3500 وفيه فلل خاصة كل فيلا ولها سعرها اذا اقتربت من مراكش زاد قيمة اجارها وكلما كانت راقية كلما زاد ايجارها واخوي مصطي وفا وكفى بهذا الخصوص من الشرح وتحياتي لك |
رد: زوار مراكش وينكم
مشكور اخوي اهنجار ماقصرتو الله يرحم والديكم
|
رد: زوار مراكش وينكم
رحلة سعيدة
|
| الساعة الآن 01:47 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط