دردشــــــة الـــمزاعيـــــــــط
ترانيم المسا ......
.
روح يا جوال جول وقول
تفكر لحباب
دوك اللي شحال قالوا فينا فينا
ظلمونا
وحنا من زهرنا قاسينا
تألمنا كثير
وما درى حد بينا يواسينا
لا صاحب حنين
لا رفيق زين
لا عشير نعيدو لو سر دمع العين
*
حتى قلت أنا جربت وحرت فلوصاف
ما لقيت طريق صوتي جاف
قلبي المسكين رجف وخاف
وعجز التعبير
*
زها وعيش وفرح بيامك
حذر الطيش بلا دم كسيرة جنحانك
راه ايامنا كي الرمان بالحبة نعد
*
أنا ماشي من كاسي جاني هواسي ضري من ناسي
عاشرت شحال في زماني
وشكون قال هكذا يصرى للدنيا
تتفتك القومان
شي معادي هذا وشي مربي على العدوان
أنا مدي على حساب اللولين
المحبة ماشي بين وبين
العشرة عادت حديد راشي
واش جاب الصدا للطين
أنا جربت وما نحوسشي نفهم
راني نستنا حل السراح صابر
*
لا تقنط لا تيأس لا تقول نساني
ربي ما ينساك ما ينساني
*
إيلا نتي صحيح ربي عطاك الزين
حاجب وعين
سور عالي
ما فيك طية
أنا بغيتك غي نتيا
ما هموني فلوس
ما غرتني الدنيا
ما هدتني البلية
صافي نحمد ربي ماني مخصوص
بنت بلادي........ بنت الدوار
بنت العشيرة....... وبنت الحوار
،،،،
بتحمل جروحك على شان خاطر ثلاث
حبنا... والعشره ....وخوفي عليك
...
التعديل الأخير تم بواسطة Lover20 ; 2014-11-26 الساعة 08:54 PM