رد: توني راجع من مراكش يوم الجمعه
سعر التذكره : ويشمل على أي خطوط كانت الرحله متى وقت الرحله هل هو في موسم او لا هل الرحله دايركت او ترانزيت ..
الخطوط الاتحاد 19.04.2012__03.05.2012 (اسبوعين )
البحرين_ابوظبي _كازابلانكا
2880 ريال
سعر وسيلة النقل : ويشمل هل أجرت سيارة أو اتنفقت مع تاكسي أو كل مشوار تروح مع تاكسي .. وهالنقطه مهمه بالتفصيل الممل ..
هيوانداي 10 قير اوتاماتيك جديده سعرها 300درهم لي مدة 14 يوم من مطار كازا والتامين 5000 درهم بالفيزا طبعاً حجز مبلغ والبنزين 300درهم فلل .
سعر السكن : ويشمل نوع السكن ( شقه – فله – شاليه ) مضاف إليه سعر الشغاله إذا كانت تجلس 24 وسعرها إذا كانت تجلس نص يوم ..
شقه غرفتين في البابليون , المكان امان بس الشقه مو ذيك الفخامه بس كويسه والموقع كويس 1300 درهم مع الخدامه وتجلس نص يوم .
المقاهي والمطاعم : ويشمل اسعار الشيش والمشروبات في المقاهي واسعار المأكولات بالمطاعم ويفضل ذكر اسم المطعم أو المقهى ..
الديوان سعر الشيشه 150درهم للتفاح والعنب 200درهم مع الشاي حق شخصين الفاتوره دائماً مابين 450 الى 550درهم
لكنه غااااااااااااااااااالي مرررررررره, الكوين جدا حلو , الاكل أما ماكدونالز أو بيتزاهت يكلفنا حق شخصين 150 درهم أو اكثر الايام كانت الشغاله تطبخ لنا خوش كبسه نشتري الرز من المرجان بس نصيحه خذو لكم رز من من دياركم احسن لكم اما باقي الامور كلها موجوده عندهم المعاناة بس مع وجود الرز مو نفس حقنا وتخبرون المطاعم في مراكش قليله ومو ذاك الزود احسن شي تشوف لك خدامه تطبخ لك .
الحلاقه والنظافه : ويشمل اسعار صالونات الحلاقه الرجاليه و الحمامات المغربية ويفضل ذكر الصالون أو الحمام المغربي المقصود ويفضل تفصيل الخدمات الي قدمها لك ..
الحلاق طبعاً أدوات الحلاقه جايبها معاي كنت أحلق عند مكان حلو ونظيف وفخم ب80 درهم للدقن , مكانه يكون عند لاف لام كافي لما تطلع من المقهى من الباب الرئيسي لف يسار وامش سيده 300 متر بتشوفه على يسارك مكان مرتب وحلو والحلاقه عندهم شغل نظيف بصراحه اما الحمام المغربي رحنا حق واحد في قليز بس طلع مو شي أاغلب الي يجيونه فرنسين ولا فيه بخار ولا سونا ولا شي 350درهم لا ويبون يسون لك حركات انتو أفهمو الزبده انه مو شي حده ولا أذكر اسمه بصراحه هو مندعس على جمب وترقى له دور ثاني .
أسعار رحلات السياحيه : ويشمل رحلات صيد السمك و رحلات القنص و الرحلات للمناطق الأثريه والمعالم البارزه مع ذكر إسم نادي رحلات صيد السمك أو القنص وذكر اسماء الاماكن السياحيه والمعالم ..
جدولنا مقاهي العصر مابين لا ف لام كافي وساحة بلازا والديوان والسهر بس .
السهرات الليليه : ويشمل اسعار تذاكر الدخول و سعر الطاوله وكم عدد الاشخاص واسعار الخدمات المقدمه على الطاوله من قبل العاملين بالمحل ويفضل ذكر اسم محل السهره ..
اما على السهرات طلعنا النرجس الطاوله حسب نوع العصير فيه 1300 و 1600 والياسمن 1300 طبعا شامله العصير ورحنا ل ديسكو السيلفر اخذنا طاوله 1800 درهم هو حلو بس أنا ماعجبني كثير لانه يصلح حق مغاربه واجانب حسيت أنو مالنا كرت فيه كل واحد جاي ومعاه الكبيدا حقته وفيه عالم كثير بس ماعجبني ذاك الزود لاني انا احب الاماكن فيها اغاني عربيه اكثر وينشبون لك صح في الاكراميات من تدخل الين تطلع بزووووووووود مره حدهم نشبه حتى السكرتي يمشي وراك احس لو ماعطيتهم بيسطرونك طبعاً صيغة مبالغه .
الكماليات اليومية : النقطه هذي المساحه متروكه لك انك تذكر اسعار الاشياء الي ما ذكرتها قبل ..
اغراض الطبخ من اسيما وشوي من المرجان كلفنا حق اسبوعين تقريباً مع اداوت الحمام تكرمون من كلينكس وصابون وغيره والمشروبات العاديه تقريباً من 2000 الى 2500 درهم .
الصرف من المطار ممتاز بعد استلام العفش مو قبل أو ساحة الفنا أو كازينو السعدي
الشريحه (أنوي ) للي عنده بلاك بيري أفضل الاسبوع 90 درهم
العدد مثل ماهو واضح في التقرير شخصين
كلفتنا الرحله على كل واحد مع التذكره
25000 ريال بالظبط على كل واحد
يعني المجوع 50000 ريال
2012-05-11, 10:49 PM
المواضيع المتشابهه للموضوع: توني راجع من مراكش يوم الجمعه
العرض العادي
الدرهم المغربي مقابل عملات الخليج